التجمع (١٤٢)للمقبلات على عمليات أطفال الأنابيب والحقن المجهري ​

يسعد مساء الجميع ،،


الله يتقبل دعواتكم ،، ويعوضني خيراً ممافقدت ،،


ويجبرني بحمل طبيعي معافى سليم ..
كل دعواتي من يوم عرفت بالحمل ان الله يرزقني توأم سليم معافى تام الخلق والخلقة ،، والله مايمر يوم من غير ماادعيه .. ومتقينة تمام اليقين لو كان خيراً لبقي.. ربي اخذهم لان مالي صالح منهم ..


ام سهيل الف مبروك الحمل ربي يتمم لك بخير ،،
ويقر عينك بشوفة ضناك ..


اماني


مادام مامعك دم ولا مغص ولا شي هدي نفسك ولاتوقفين ادويتك .. واهتمي بتغذيتك والله يرزقك الحمل ااسليم المعافى ..


اللي رجعوا قريب ،،،
ربي يفرحكم بالاخبار السارة اللي تفرحكم ،،

الله يعوضك خير ممافقدت والحمدلله على سلامتك
بشري سويتي عملية و لا نزل من نفسه و ان شاءالله ماتأثر الانبوب

سويت جراحة ،،

واستأصلوا الانبوب للأسف،، انفجر كيس وكان فيه بداية نزيف،،

الله يعوضك خير💔

اليوم شفت حالة بالواتس اب وكأنها موجهه لي،،


(( كل متوقع ات .. فتوقع ماتتمنى ))
الامام علي بن ابي طالب،، ماادري عن صحتها اذا هي


من قول الامام علي او لا ،،


لكن فعلاً الكلام صحيح ،، من اول يوم تنشيط ماخفت من شي ،، ومتقبلة عدم وجود حمل و كنت ادعي ربي يختار لي الخيرة ،، بس خايفة خووووووف من خارج الرحم !! كنت اذا جاء على بالي يجيني قشعريرة من خوفي منه ..
ومن حللت وانا ماتطمنت كان حملي غريب مرة ولاقدرت ابشر اهلي بحملي حاسة في شي مو طبيعي ،،
حتى قبل الاشاعة بيوم يكلمني زوجي بحماس للاشاعة ويدعي انهم توأم ويقول اتخيلهم .. ( قلت لاتفرح ان الله لايحب الفرحين ) طبعاً اخذت تهزيئة ،،يقول استغفري،،


المهم اروح للاشاعة بدون الم قوي واتفاجأ بالخبر ،،
وجنينين بعد وفيهم نبض،، يعني وضعي طواريء،،




واروح الطواريء وانا كلي رععععععععب من استئصال الانبوب ،،
ومن العملية اقول لهم عطوني ابرة تنزله مااحب العمليات مابي تخدير 😭😭
وكل اللي خفت منه صار لي بالضبط..!!! 💔
خارج الرحم ، عملية فتح بطن ،، استئصال انبوب،،


الحمد لله الحمد لله الحمدلله ربي اعطى وربي اخذ ..


الله يشفيني ويعافيني .. اكتشفت اني مااتحمل الالم😭😭