طليق اختي جاب لها وظيفة

بخصوص المصروف مو طيب ولا كرم منه بل واجب عليه ينفق على عياله حسب مستواه المادي
كذلك السكن الاب واجب عليه يوفر لعياله السكن مو طيب ولا كرم منه
واختك في فتره من الزمن حسب كلامك هي اللي كانت تصرف وباعت ذهبها يعني من حقها تاخذ مقابل كل السنوات اللي هي انفقت فيها على العيال وقبولها السكن مع عيالها في البيت اللي اشتراه ابوهم تعتبره تعويض بل هو حق واجب عليه لانها هي الحاضنه او المربيه لهم داخل البيت
والحمدلله يكفي ان عندها الضمان تقدر تدبر امورها فيه او تتدخره
اما الوظيفه لا تجبرينها اتركيها براحتها
والرجال لو ماكان حاس بتقصيره ماكان سعى لاختك بالوظيفه
ماتدرين لعل يحصل بينهم صلح

يا اختي الرجال يقدر يسحب عليها ويخليها منهانه عند اخواني وزوجاتهم بس هي عنيده ووصلت مرحلة انه موقف حياته عشان تسامحه علما انه مغير عشان عياله حط البيت والضمان الي يجيها ما يسدد فاتورة كهربهم خلي عاد تصرف على نفسها منه لا واذا راحت تتوظف انقطع مالها تدور بدون تأمينات وشوفي وش يصير لها في المحلات والملعنه والقرف وهذي وظيفة حكوميه مش برا مدينتنا ومكابره عليها تقولين كأن انها عايش في نعيم حتى ابوي الله يرحمه ماله تقاعد

هي أدرى بنفسها وبعيالها أنتي اطلعي منها

ياليت تقدرين موقفي ولا تكرميني بسكوتك انا لي اكثر من اسبوع وانا في حط وشيل وانتي تقولين ادرى بنفسها تقولي كرامه كرامه كرامه مين وهي حتى ما عندها تجيب لنفسها صابونه وشامبو وتبي تروح تشتغل في مشغل 1500 راتبها ما يجي ربع الوظيفة الي جايبها لها طليقها

يمكن تحبه
وصدمها لمن رفض يرجعها على ذمته
وحست بالاهانة
وصدقيني جاب لها الوظيفة مو حبا فيها
خائف على اولاده خاصة لو كبير في السن
وعياله صغار يبغى امهم موظفة