التجمع ال٤٥ لرابطات عنق الرحم 🎀🤰🏻🧶

هلاياقلبي لاوالله باقي اشيائي انا سرير ومفرش والحاجات ذي اخلصها بيوم ان شاء االله
بالنسبه للعمليه انا خايفه بس لان عندي قطعين طويله بالعنق مابيه يتاثر زياده بصراحه مع الولاه الطبيعيه وبيني وبينك ماتوقع ابدا اني بصمد لين اسبوع العمليه اتوقع بولد قبل غصب عني😑😑

ماشاء الله يتمللك وتقومين بالصحه والسلامه
في اي اسبوع كانو يفكون الربط؟

طيب بنات عندي سوال دايم يجي فبالي ومالقيت له جواب
الرضاعه الطبيعيه حليبنا يعني حليب الام مايتاثر بالاشياء اللي نشربها وقت النفاس فلفل وحلبه ومدري ايش غير للكريمات والخلطات اللي نحطها عالجسم والوجه 🤭🤭

هلا عمري
انا قصتي مع الربط كل حملة شكل وسالفة
اول ربط لي ربطته بالاسبوع 20 كان ربط طارئ والرحم مفتوح والكيس نازل ومن يومها عرفت ان معاي قصر بعنق الرحم بس ماكمل الحمل استمر تقريبا للاسبوع 26 وجاني طلق وفكوا الربط والجنين ماعاش قعد خمس ايام بس ومات

ثاني مرة ربطت بدري بس هم سبحان الله مافاد وبعد شهر من الربط جاني طلق فجأة وانفتح الرحم مع وجود الربط وأجهضت وانا بالاسبوع 18 وللحين مو عارفه شالسبب مع اني كنت مرتاحه ... بس والله العالم كان عندي التهاب ... لان وقتها الدكتوره الله يهديها ماعطتني مضادات بعد العملية

ثالث مرة ربطت طبيعي ومع الراحة والمثبتات فكوا الربط وانا بالاسبوع 38 وجاتني الولادة ع طول في اقل من 24 ساعه مع ان قبل مايفكونه ماكان فيني عوارض ولادة والحمدلله رزقني بأول طفل💙
رابع مرة ربطت بس جاني ألم طلق وانا بالاسبوع 34 ونزل الماي وانا بالمستشفى وفكوا الربط ع طول وولدته بسرعه ووالحمدلله .. الله يرزقني بره💙

والحين هذي الحمله ... ربطت بالاسبوع 13 وان شاء الله اكمل للتاسع

اللي اعرفه المشروبات الغازية .. واللبن يأثر ع البيبي ويزيد من الغازات ببطنه وطبعا هذي بس لفترة 3 شهور وبعدين تقدرين تشربين كل شي لان البيبي يكتمل عنده الجهاز الهضمي ويقدر يخرج الغازات طبيعي بدون ألم
اما الحلبة والاعشاب بالعكس دايم ينصحون فيها الوالد
وبالنسبة للكريمات مااتوقع تأثر




وع سالفة متى يفكون الربط بعض الدكاترة يقررون ع الاسبوع 37 او 38 بحسب وزن البيبي
انا كان مقررين لي في 37 بس لما شافت وزنه بالسونار 2.9 كيلو وما كان فيني اعراض ولادة قالت نأجل الفك عشان يزيد الوزن وأجلوه اسبوع وفعلا صار وزنه 3.1 او اكثر بشوي