السلام عليكم ورحمة الله وبركاته
اخواتي وحبيباتي انا عضوة جديدة ولكني متابعة قديمة لعالم حواء وكل شي احتاجه متعلق بالأسرة اجي لهالموقع من سنوات
هالمره سجلت عشان خاطر بنتي الوحيدة واحتاج مشورتكم بكل صدق
بنتي عمرها سنه واربعة شهور
ولدتها وكان شعرها حلو وقليل وبعد ثلاث شهور طاح من الخلف وقالوا لي من النوم ويرجع
وشعرها والله العظيم من صارت اربعه شهور نوعين من الامام ناعم ومن الخلف خشن وبعدها بفتره تقريبا صار يخشن من الجنب خشونه بسيطه صراحه
بالاضافة الي انه قليل وبعيد من الامام
بعد عمر سنه بدا يقل اكثر وانا كنت بس اقصقص بالمقص واسمع النصايح
لحد ماكملت سنه وشهر صار بس باقي قذلة (اقصد شعر من الامام ) ناعمه بس ضعيفه من قدام والباقي نوعا ما خشن
نصحوني احلق لها وعلى قولهم كثير خشن ولا قليل خشن
وبالفعل حلقت لها على واحد يمكن واهتميت جدا من ناحية الزيوت ولكن بشكل عام نمو الشعر مو سريع نفس الحاله
واللي طلع للاسف يابنات خشن مثل الافريقين شي غريب ابدا مو مثلي ولا اخوها ابوها شعره خشن بس مو بهالشكل
فنصحوني احلق مره ثانيه علما ماطول الاول كثير
وحلقت مره ثانيه والان توه طلع ونفس الوضع الشعر الجديد يشبه الافريقين
ارجوكم ساعدوني كل حلقي لها كان مكينه
وش رايكم احلق مره ثالثه موس او مكينه ؟؟؟؟
وهل عندكم نصيحه بخصوص تسريع نمو الشعر ... نمو شعرها بطيء علما صحتها حلوة وهي تهبل
انا شعري حلو واخوها حلو وحرير والحمدلله عليها وعلى كل شي اعطاها ربي وهو قادر يزينه بس اذا فيه شي اقدر اسويه ساعدوني
احس بتأنيب ضمير يقتلني وقلق كأنه خطأي يوم سمعت كلام اخوي وحلقت لها
عماتها يقولون استمري بالحلق راح يزين مثل الهنود والباكستانين وان شاء باحلق هالمره بس ودي بنصايح موس او مكينه اي تجربة ناجحة ارجوكم علموني ونوروني
مع الشكر لكم جميعا
شاركي في النقاش
سجلي الدخول لإضافة تعليق.
التعليقات
6- معقولة ولارد أو رأي أو مشورة
جد تحطيم - يوووه ماانصحك بالحلق خلاص وقفي تحلقينها
خليه يطول ويطلع الشعر الجديد
عندي توأمي نفس حالتك وحلقته مره وحده وطلع خشن وتركته وقلت هذي طبيعتهم
تعالي شوفيهم الحين اقسم بالله نعووومة ولمعه ماشاءالله خليته يطول لين غطى اذانهم والخشن نزل تحت بعدين رتبته
الحين ماشاءالله محد يصدق ان هذولا اللي كانو رضع بس اهتمي بالشامبو يكون بالزيت كريم بعد الترويش - السلام عليكم اختي
انصحك ب إستعمال چل الالوڤيرا وبخاخ الو فيرست الأمريكي وكلهم من مواد عضوية ومو لهم أي ضرر انا استعملهم لي ولبناتي والحمد لله رب العالمين ماشاء الله تبارك الله الكل يتحكى على شعري انا وبناتي وهذا الفضل من ربي وفضل منتجات شركة فوريڤر اللي انضممت لها وساعدتني كثير بمنتجاتها الآمنه والفعالة.
لا تخافين مالك ذنب وان شاء الله شعرها يرجع أقوى واجمل من الاول. - عمري لا تقلقين الشعر الاصلي للطفل يطلع عند سن ٦ سنوات ..
بس لو تبين تحلقين احلقي عادي وما يفرق موس أو ماكينة اظن كله واحد .
لا تخافين ولا توسوسين كثييير مهما سويتي شعرها الاصلي هو اللي يبقي معها طول العمر حتي لو انولدت شعرها ناعم لان كل البيبيات لازم ينولدون شعرهم ناعم مافي بيبي ينولد شعره خشن .. - اشكركم جميعا باسوي نصايحكم
الان شعرها بدأ يطول بعد اخر حلاقة يادوووب غطى راسها صار اكثف وصارت الشعرة سميكه ومظهره خشن
لما اقارن الصور مع الشعر القديم فرق كبييير الأول يعتبر ناعم والشعره نفسها ناعمه لكن تلف
وهذا صدق خشن الجديد الحمدلله على كل حال
ضميري يأنبني كأني اخطأت بحقها .والله يسامحني على ماسويت
مواضيع مشابهة
تابعي تجارب أخرى من هذا القسم.