التجمع ال٤٥ لرابطات عنق الرحم 🎀🤰🏻🧶

مرحبا بنات
أنا حامل بالأسبوع ١٢ وكم يوم
عندي ولادة مبكرة وتوفى الطفل والحمل الثاني سويت ربط وولدته بالتاسع بالسلامة بفضل الله ..
اليوم دخلوني تنويم على أساس عمليتي بكرة الصباح الله ييسرها لكن استغربت إنهم ما قاسوا لي طول عنق الرحم!!
عملية الربط الماضية قاسوه لي مرتين
هالمرة حجتهم إن الأشعة زحمة وما حصل لهم فرصة يقيسونه لي ويقولون حالتك على كل حال مستلزمة للربط
يعني سواء قسناه وكان قصير أو طويل بكل الحالتين بنسوي العملية
طبعا سووا لي سونار عادي في العيادة قبل التنويم وشافوا الجنين والنبض الحمد لله كويس
حاليا أنا داخلة تنويم وتفاجأت بكلامهم وعدم قياسهم للعنق
ولما أصريت عليهم شوي قالوا إذا تبين نأجل العملية 🙁
شرايكم بنات؟ خايفة أأجلها بعدين ما ألقى موعد ثاني ويروح علي الوقت
فيه أحد منكم سواها بدون قياس للعنق بالسونار؟!
والشيء الثاني ما سووا لي مسحة ولا تحليل بول مثل المرة الماضية ! اكتفوا فقط بسؤالي إذا فيه حكة أو أعراض التهابات
حيروني
للعلم هذا مستشفى مختلف عن المرة الماضية

ابرة الرئه في نوعين
نوع مايفضلوه الاطباء مضاعفاته اكثر
ونوع هو الدارج
نسيت اسمه اذا مهتمه ببحث لك عن الاسم
روحي الحكومي يكتبوه لك ويعطوك مقدار الجرعه وخذيها بالمستوصف

الربط غالبا بالأسابيع ١٢ و ١٣ و١٤

فك الربط سهل ما يحتاج عملية يفكونه بعضهم بالعيادة أو غرفة الولادة
أما إذا ولادتك قيصري يفكونه بعد العملية وأثناء التخدير

لا ان شاء الله مافيها ضرر
كثير اخذوها وعيالهم طولهم مافيهم شي
دكتورتي تقول ان في دراسه حديثه تقول ابره الرئه مفعولها شهر
اذا اخذتيها وما ولدتي خلال الشهر تكوني كأنك ما اخذتيها
عشان كذا بعض الدكاتره مايفضلو يعطوها الا اذا شافو اعراض ولاده مبكره
اهم شي خذيها بالجرعه المسموحه للحامل وبالوقت اللي يقولو لك عليه كل ١٢ او كل ٢٤ ساعه

اعرف بس ولاداتي السابقة ٣٣اسبوع