هل زواج الرجل بالثانية يخليه يخسر اولاده؟

ردك يفوز بجائزة الرابط العجيب
من جد ايش دخل ذا الكلام في ذا ؟!

هو أكيد رح يجي وقت حتى لو الزوجة الأولى مو مقصرة رح يتزوج عليها لأنو الرسول صلى الله عليه وسلم قال في آخر الزمان سيكون عدد النساء يفوق عدد الرجال بكثير وهذا طبعا بيخلي البنات يتنازلن في النهاية لأنها تريد أن تتزوج وتجرب مثل صديقاتها حتى لو معدد ...والرجل بطبعه يحب النساء حتى في الجنة عنده حور عين مو واحدة بس يعني الرجل يجد متعته الكبرى في النساء أما المرأة اذا أعطاها زوجها ماتشتهيه من مال وملابس.. تنسى أم أم زوجاته الأخريات.. صح ولالا؟

ضحكة سرور والبنات اللي علقوا بعدها
الله يسسعدكم
كل كلمة كانت بقلبي كتبتوها من جددد الله يسعدكم

والله يجبر قلب كل زوجة بهالحياة ويفرج عنها .


تتخيلو لي من قبل ما اكتب هالموضوع ماقد طبيت بيت اهلي نفسيااااا تعبانه مو حابة احط عيني بعين ابوي 💔
اختي جربت وراحت وتقابلت مع ابوي وتقول توقعت اول نظرة بتهون علي اشياء وتنسيني اشياء
بس لاحظت العكس صرت اسمع دخول ابوي للبيت اشيل عيالي واهرب لاقرب غرفة نقفل على انفسنا لين يجي الفرج ونخرج لامي .


عالعموم المستجدات اللي شفتها بحياة امي انها كتبت شروط كثيررررررة وتوقيع اخواني كلهم ك شهود حفاظا لحقوقها وفعلا ابوي وافق على كل شي كل شي ووقع عليه.. وما توقع بيوم يصيرون الابناء مع امهم ضد ابوهم .. هالشيء لوحدة يكسر ظهر وقلب الاب ان كل اهل بيته مع امهم وضد قراراته.
بس ما اشوف هالمعاهد مع الرجال تنفع ابدا ..
صح صار ابوي افضل بمليون مرة من قبل بس ليش !
صار مصروف البيت دبل الدبلين وينك من اول ياقلبي حسبنا عليك ديون وحرمنا انفسنا اشياء نتمناها الحين كبرنا وتزوجنا ولا تهنينا بحلال ابوي بالعكس جات غيرنا تتهنا فيها؛

صار ابوي يجي شبه يومي لامي والمفروض يكون اسبوع عندها واسبوع عند امي بس صار بحلق امي شبه يومي وكأنه ندمان على شي
صار يدخل البيت ومافيه احد لا امي ولا اخواني وقبل كانو ينتظرونه بالصالة
الان يدخل المطبخ ويصلح عشاه بنفسه بكل هدوء
وقبل كان يدخل باب البيت وصراخه يتعبنا نفسيا وامي تبكي قهر لانها سوت الذ الذ عشاء و لا اقتنع اما لان الاكل حار والصحن ضيق ومافيه وقت يبرد هالاكل او الاولاد ليش الى الان ما نامو و و و
عالعموم امي فهمت ابوي انو مو كل شوي وانت داخل علي وتحسبني ب اتنازل عن ايامي الجاية روح لها او لعملك اما تجي عندي يوميا وبعد اسبوعين ما اشوف وجهك لا .. هي في اجازة عند اهلها او مسافرة وتجي تنشب لي وبعد ماترجع من اجازتها تروح لها فترة طويلة وتقطعني لا التنازل ما اقبله اجلس بعملك لين ترجع هي او اجلس ببيتها لين تخلص اجازتها بس بيوم تجي ..

الاولاد من البر ومن مصلحتهم يبرون في ابوهم ما راح يضر الابو شي اخذو موقف ولا لا وهذا حقه
ما ادري الاولاد ليه يتدخلون في مصير ابائهم ويقررون عنهم وكانهم صارو جاهلين
المفروض يبارك لابوه ويحاول يراضي امه ويصلح بينهم مو ياخذ موقف الشيطان الرجيم لان هذا شرع ربي ولا اعتراض ويدخل في باب العقوق لو اعترض

كلامك غير واقعي ابدا
ماحد بيرضى الاهانة ل امه
اكيد الابناء بيوقفون مع امهم ضد ابوهم
ولو كرهوه بسببه هو
شوفي انا ابوي تزوج على امي واحنا صغار
سنين كلها ظلم وغبن وقهر بسببه وسبب حرمته لا عدل ولا زفت
ويوم كبرنا يلومنا ليه احنا رسميين معاه بالكلام والمناسبات
الله يرحمه ويغفرله بس قليل الظلم لي سواه فينا والله مو هين
اخت زوجي زوجها ابوه متزوج على امه تقول عجزت فيه يبر مو راضي
الاب بعد ٢٧ سنة زواج تزوج على حرمته
العدل عنده هو يوم الاولى يغيب اليوم كله برا بالاستراحات ويرجع بالليل ينام ويروح
يوم الثانية كله معها
يعترف بحبه للثانية وانه يطبخ بدالها وانه يدلعها وحرمته تعيش الغبنة
الان لقى جحود عياله بوجهه كلهم وقفو وقفة وحدة مع امهم والان يدور رضاهم
انتي زوجة ثانية شكلك مارح تفهمين كلامي كل مرة اشوفك تنبذين الزوجة الاولى وتعايريها وكلامك فيه تجرأ كثير انتبهي عليه لاتطيحين بدعاوي البنات بسبب كلامك
حسني الفاظك او احسن لك ماتتكلمين