بنتي واول ابتدائي

جيبي لها معلمة خاصة اذا انتي مو فاضية او مالك خلق الاطفال بهذا العمر يتعلمون بسرعة بس يبي لهم متابعة

خرجيها من المدرسه وقدمي لها السنه الجايه عشان تكبر وتفهم صح وتستوعب

لا خاصة ماعندهم تأسيس
افتحي يوتيوب تلقين مدرسين لغتي مرة حلو والرياضيات والقرآن والعلوم
سهالة

الله يصلحك
الطفل حسب ما تعوّدينه ااذا عودتي مخها على ممارس الحفظ و الفهم بتتعبم ع طول ) و اذا عىدتيها من وهي صغيرة انك ما تعلمينها ع هالاشياء بتستصعبها في المدرسة و بتحفّر فيها


اعذريني بس اشوف ان اللّوم عليك مو على قدرات بنتك او على مهامّ المعلمة ..
كيف بنتك عمرها 6 او 7 سنوات ماهي حافظة الا الى 10 ..؟ و يا ستّار استر اذا انها ما تعلمت هالارقام الا من معلمة الرياضيات


مو شرط انها ما تتعلم الارقام الا ايام المدرسة
الطفل يستجيب للمعلومات من وهو صغير
يعني كان المفروض انو من يومها صغييييرة تعلمينها الارقام و الحروف
تحفظينها سوَر قصيرة من جزء يٓـس
تعلمينها ع الحروف من يوم عمرها 5 سنوات نطقاً و كتابة مو شرط حفظ لانها مع التكرار بتحفظ


اللحين ما شاء الله يقابلني طفل عمره 3 سنوات يعدّ لحد 10 .. و كل ما كبر عدّ اكثر
و هذا غير التمهيدي له دور كبيييير جداً قبل التعليم المدرسي


اما اذا السالفة سالفة قدرااات و ان بنتك خلقة ما تستوعب بسرعة ف برأيي جيبي لها معلمة خصوصية اذا ما بتقدرين تقومين ب المهمّة .. حرام تخلينها تعيد مشوار سنة كاملة لو هم نجّحوها😭💔


يكفي بتتأثر نفسياً يوم تشوف صحباتها طلعوا لمستوى ثاني و هي ما تحركت من نفس المستوى 💔

المفروض الطفل مايدخل سنه اول الا يكون حافظ السور الصغيره والارقام والحروف
صف اول الحين يبدون بالمدود وماراح يستوعبها الا ادا كان حافظ الحروف
بالنسبه لبنتك قدامك حلين ي انك تسحبينها الحين علشان تتفرغين لها وتدرسبنها زين والسنه الجايه تبدا من جديد
او انك تتركينها تكمل ادا نجحوها انتي عليك بالاجازه تشدين عليها وتأسسينها زين
واهم حاجه بنتك لا تقولي قدامها ماتستوعب علشان ما يرسخ بذهنها الكلام شجيعها وامدحيها حتى لو اخطت
خصصي لها وقت للدراسه وممنوع تقوم تلعب الا وهي مخلصه صدقيني بعض الأطفال علشان اللعب مايستوعبون بس لو خصصتي وقت لو ساعتين وكنتي حازمه معها راح تتقن وتحفظ علشان تلعب
والله يخليها لك