وعليكم السلام
متفهمة وضعك لاني عانيت نفس معاناتك واللي ردوا للأسف مو فاهمين حالة ولدك
اللي تقول اضربيه واللي تقول بوسيه هالأساليب ممكن تنفع لو ولدها طبيعي لكن الولد يعاني من مشكلة وهالأساليب تدمره اكثر
اسمعي حبيبتي انا ولدي نفس الشي عدواني ياما بكيت وياما تألمت وياما انهرت انتي في الاخير لك طاقة مهما تحملتي مهما صبرتي ياما فكرت اهرب من ذي الحياة بكبرها من شدة الضغط وصرت ابكي بشكل هستيري كنت اقول لو كانت المسألة زوج سيء هربت منه لو كانو اهل ظلمة ابتعدت عنهم لكن لما يجيك طفل وين تهربين وهو منك وفيك هذا قدرك بالحياة.
عانيت زيك فيه عدوانية غير طبيعية وخصوصا اتجاهي وحرررركي وتكسير احرجني وحطني بمواقف محرجة كثير لكن الفرق ان ابوه رفض يوديه الطب النفسي رغم ان الاطفال اللي يعانون هالمرض معروف علاجهم بالطب النفسي ممكن مايعالج لكن يخفف أو سلوكي وانا احب السلوكي اكثر وممكن كانت خيرة
ولدي الحين كبر وصرت اخصص له دعاء من بين إخوانه الحمدلله فيه تحسن وخف عن أول وانا تقريبا صار عندي تبلد وممشية حياتي قدر المستطاع لاني فعليا احس اني مت من جوا لكن احتسب تعبي عند الله
لا تضربين ولدك ولاتعالجينه بأسلوب القسوة حاولي تفهمين ان ولدك يعاني مو بس انتي
واحتمال يكون ممسوس
اذا نام اقري عليه الرقية واستمري يوميا لاحظت يهدأ شوي لماأقرأ عليه
فيه نقطة مهمة ماراح تلاقين اثرها فوري لكن بعد مدة طويلة بتلاقين لها نتيجة واللي هي اشرحي له مدى معاناتك وعلميه ان بطريقته هذي قاعد يأذيك خلي يشوف قد ايش انتي حزينة في البداية بيفرح وينبسط لكن مع السنين تلاقين العكس ويبدأ يفهم
تجنبي التصادم معه قدر المستطاع واعتبري ابتلائك في الحياة
عبري له عن حبك مهما صدك بس مو طول الوقت في فترات متقطعة لازم يعرف انك تحبينه حقيقي
امتدحيه لو سوى شي بسيط بتلاقين نتيجة عكسية في البداية وراح يتضايق من المدح بس بعدها بتصير فيه نتيجة طيبة اهم شي الصبر وطولة البال
ارحميه وكل ماتعبتي منه تذكري انه هو بعد يعاني لان عنده عقد داخليه ومو عايش بسلام فلاتزيدين بالقوة عليه
كثير اعرفهم أطفالهم نفس ولدك لكن تغيروا بعد مابدوا يكبرون ان شاالله ربي يشفي ولدك ويهديه
اما انا ولدي تأكدت انه يعاني من اذى روحي لانه تصير معه حاجات غريبة عشان كذا كبر وماتغير تماما لكن الحمدلله اهون من اول.
دمعت عيوني وانا اكتب اول مرة احس احد يتكلم بلسان معاناتي اللهم أجرني فيما ابتليت وارحم ضعفي وضعفها وعوضنا خير
كرهت بيتي وحياتي بسبب....
متابعة النقاش، صفحة 21