هل هذا شيء طبيعي بالرجال؟؟

اخواتي و اخواني سأدخل بالموضوع سيدة لاني لم اعد املك الصبر،
زوجي انسان اخلا ق و معروف جدا و محبوب من الجميع لكني ما احس اني احبه، شاسوي؟
بتقولون ليش ، لانه بصراحة دايما بيطلب أني انقاد لجميع مطالبه و اوامره بدون نقاش، يعني مثلا باروح صالون معين انا متفقة معاهم مايوافق و يقول لا غيري هالصالون وبدون اي سبب صدقوني، اوكى انا قاعدة بالبيت اليوم و ناوية ارتاح يروح يجبرني على الخروج لزيارة اقارب و ممنوع اتكلم و ممنوع اقول لا!
هل كل الرجال هكذا؟ انا خبرتي قليلة ، على فكرة المواقف يوميا تتكرر،
احس انه دايما يبيني اكون سلبية و ما اناقش دايما حاضر و على راسي و تحت امرك حتى عند اهلي يوديني بعد ما تطلع روحي و انا ما اقول لاهلي شي عشان ما يكرهونه او يزعلون على حياة بنتهم:(
كرهت الزواج :(

15 تعليق 1,938 مشاهدة

شاركي في النقاش

سجلي الدخول لإضافة تعليق.

التعليقات

15
  1. @ghrybh_aagybh

    شكلك توك متزوجه واضح انك ما بعد وصلتي معاه لمرحلة التفاهم وهذا طبيعي اذا انت توك متزوجه ...
    مدام زوجك طيب واخلاقه كويسه فانشاالله فيه امل انه يتغير ويتعدل بس بشوية صبر واسلوب منك ...

    انت الان سلبيه شوي معاه يعني ما بينتي له زعلك ولا بينتي له انك متضايقة من هالاسلوب ...
    شوفي يالغالية ............
    انت تقولين الموقف هذا يتكرر يوميا ..الان تحسين الموضوع هذا بدأ يأثر على حبك له ...
    يعني هنا خطر ولازم نوقف المشكله ....

    كيف؟؟؟
    لااااااااااااااااازم من الحوار والنقاش الهادي الهادف بينك وبينه ...........
    بكره اذا سوى معاك موقف زي هذي المواقف ... بيني له انك زعلتي مو بهواش والا بطريقه غير مهذبه لأ بيني زعلك وقولي حاضر وعلى امرك .. بعدين اتركيه لا تكلمينه اذا مزح معاك لا تعاملينه طبيعي زي ما كنتي يعني حاولي تبيينين انك زعلانه ......
    هو بيسألك .....اشفيك وكذا .....
    انت رتبي لك كلام من اول كل اللي في نفسك طلعيه له ..قوليله احس انك تلغى وجودي وما احس باحترامي .. قولي اهم شي انك تحترمني وتحترم رأيي لا تأكلني ولا تشربني بس احترمني .....وطريقته هذي فيها استهتار ليه ولرغباتي وتعاملني كأني خدامه .......

    بعد ما تقولين كل اللي في خاطرك .....بعدين مهم بالمره تقولين له انت رائع وانا احبك وما استغني عنك وانت مثقف ومتعلم واهلي كلهم يحبونك بس نبي نعيش حياتنا مرتاحين مع بعض ..........

    مهم جدا انك تقولين له هذا الكلام لأن الرجل اذا اتهمتيه بأي تهمه فيه نزعه هجومية ومتسلطه فماراح يقول طبعا معك حق وحقك علي مستحيل رجل شرقي ويسويها بس اذا لطفتي الجو بكلام حلو وحس انك تحبينه ومتمسكه فيه على الرغم من اخطاءه بيجيب كلامك نتيجه مره ممتازه انشاالله ...
    بس اهم شي انك تعالجين الموضوع من الان وماتتركينه للزمن :) وبالتوفيق انشاء الله
  2. شووفي الوقت اللي يكون فيه رايق وعاتبيه بلطف وهدوء وقليله هالحركه منه تضايقك وزواج مشروع قائم على التفاهم والموده والاحترام

    بس هالحركه منه لافيها تفاهم ولا مودة ولااحترام ..!!
  3. @hmy_kbyr

    هوا فرحاااااااان فيكِ عشانه عريس جديد وعنده حرمه بيسوي يعنني
    بعد فتره وضحيله بس وضحيله شوي شوي بدون ماتحاولي تعانديه
    ترى اكره ماعلى الرجال ان زوجته تعانده وتتحداه,,خليك طبيعيه
    ووضحيله انك مقدرته ولاتحبي تزعلينه,,صدقيني هوا ترى من نفسه بيطفشمن ذا الدور بس لان زي ماقلت قبل شوي عريس جديد وبيتحكم

تابعي تجارب أخرى من هذا القسم.