🤰🏻التجمّع التـــــــاسع لمواليد ( يوليو 7️⃣ و اغسطس 8️⃣ ) 2020🤰🏻

كيف التحجر هل هو شد وقساوه والا معه الم ؟؟؟
مايعتبر هذا شي طبيعي بسبب تمدد الرحم هالفتره ؟؟
بديت اوسوس

انا التحجر يكون تحسين كانه ضيق نفس شوي ويكون بطنك مررررره قاسي يجلس كم دقيقه ويفك

مرحبا بنات ..
توني رجعت من موعدي علطول دخلوني اسوي سونار
تصدقون حطيت يدي على عيوني مابي اشوف الشاشه كنت خايفه لاني بس احس بتحجر ماحسيت بحركه علطول اول ماحطو الجهاز ببطني قلت في بيبي ههههههه
وحمدلله سمعت النبض وتطمنت
بس لازال التجمع الدموي موجود
وعندي تقلصات عشان كذا احس بالتحجر
بعدها دخلوني ع الدكتور
قالي التجمع الدموي ان شاءالله الرحم يكبر ويمتصه
التحجر قال ماندري من ايش العنق مسكر بس مو مبين لانك مو شاربه مويه! بس انا قاصده اليوم ما اشرب ماعندهم الا حمام واحد وكان زحمه الموعد اللي فات بغيت انفجر
واكدوا لي جنس البيبي بنوته ❤️ هو كان قايلي بالاسبوع ال١٤ مبدئيا بنت بس اليوم اكد


المهم قالي كثير عليك ابر اسبوعيه ٥٠٠ بنخففها ل ٢٥٠ !! قلت شلون تخففها وانا التحجر يزيد معي قال انتي تاخذين تحاميل كلها نفس الغرض هو مايضر البيبي بس انتي كثيره عليك الابر كثرتها تسبب حساسيه للجسم وفعلا انا بالاخير معي حكه فظيعه
تصدقون في اسئله كثير عندي بس مدري شلون ماسالته كاتبتهم بالنوت بس عجزت اقرا لاني قريت له اسم دوا يخفف التقلصات اسمه توبار يمكن جلس يضحك قال هذا منعوه من السعوديه وين انتي قديمه خلي النت عنك 😂
سالته عن النوم قالي حاليا عادي حتى لو تنامين على ظهرك بعد السادس انسي الظهر لازم ع الجمب يمين ويسار .
بس في شي مضيق صدري بنات
وزني نقص للاسف والدكتور خوفني قال لازم يزيد لانه مو كويس ابد المشكله انا كنت عند امي كان اكلي كويس يوم رجعت بيتي لي شهر ماعندي عامله ومالي خلق اسوي لي شي
اكل من برا وكذا حوسه شوي مو زي بيت اهلي الله يجزا امي جنات الفردوس ويشفيها يارب ويطول بعمرها

اي ال١٤ يوضح وعلى حسب وضعيه الجنين وشطارة الدكتوره

انا اخذ بنتازول ناسبني مره الحمدلله

الحرقان يجيني في الليل فقبل العشا بساعه اخذه اهم شي خذيه واجلسي ساعه بدون اكل ويجيب مفعول ان شاء الله
بس لو اخذتيه وبعدها اكلتي ماايجيب نتيجه

وقالوا بعد خل التفاح تاخذي ملعقه في كاس مويه وتشربيه بس ماجربتها