تجمع أمهات الأشبال إن شاء الله💙💙

تجمع مبارك للجميع والله يرزقكم الاولاد المعافين الصالحين


بس بقولكم وجهة نظري يعني البشريه من يوم انخلقوا مايرغبون بالبنت كثر الولد والدليل اللي تحمل من اول مره بنت خلاص تخاااف من الحمل الثاني انها بنت اخرى !!
واذا صار ولد مايفرق عندها الحمل الثاني لماذا ؟


لا ارى اي تفضيل ع الولد فيه منفعه ووالله اني اشوف اغلب الامهات والاباء اذا كبروا مايقوم فيهم الا بناتهم والعيال يا عاق يامطنش يايتزوج وينسااهم الا مااااندر


اتمنى قبل اموت اشوف المجتمع متقبل الذكر والانثى ع حد سواء ووالله لو اجيب عشرة بنات ماهمني اي بشر وهن افضل عندي من الاولاد


وجهة نظر فقط لاغير 🌹

والله انك صادقه آنا مستغربة من القروب بكره احس فيه شيء غريب😨

وش الغريب في الموضوع !؟؟
مين قال ان الولد افضل من البنت؟او البنت افضل من الولد؟
انا اقول لك مستحيل العاقل يفضل جنس عن جنس لان كل جنس فيه الزين والشين
بس نحنا هنا ببساطه عندنا بنات الله يحفظهم لنا نور عيوننا وتاج راسنا وما عندنا اولاد او البعض عندها بنات وماعندها الا ولد واحد وتبغى له اخو
ايش المشكله اننا نبغى اولاد اذا فيه مساعده وطرق اننا نجيب؟
ليش تتحسسون من هذا الموضوع ؟
يعني لو قلنا نبغى بنات محد يهاجمنا او يتهمنا بالعنصريه ليش؟
شيء طبيعي ام البنات تبغى ولد وام الاولاد تبغى بنت
لا تفكرون اننا نبغى الولد عشان هو اللي بينفعنا والبنت لا مين اللي قال كذا الصالح ينفع بنت او ولد
لكن مو حرام نتمنى الولد ونسعى مادام فيه تجارب مو خسرانين شيء

لو عندنا اولاد بنسعى للبنت اذا فيه طريقه
الولد لا تقولون ما ينفع وبيتزوج وينسى ويروح لزوجته
كيف تحكمون عليهم كلهم انهم كذا
والبنت كذلك مانقدر نقول ماتنفع وتتزوج وتروح مع زوجها
فيه بنات شياطين وفيه اولاد شياطين
وفيه بنات بارات وفيه اولاد بارين
ونحنا دائماً ندعي الله بالصالح المعافى البار

الحمدلله على مارزقنا والحمدلله على كل شيء
المقدر للانسان ورزقه هو اللي بيشوفه
الانسان يدعي ربه والله هو المستجيب لدعائنا وهو اللي بيرحمنا