بصمم مطبخي واحتاج نصايحكم 🥰 لاتبخلوا علي 💙

مسا الخير اخواتي
الليله قررت اصمم مطبخي قبل اروح المحل
واحتاج نصايحكم لل صمموا قريب مطابخ
ايش اللي استفدتوا منه وايش اللي ندمتوا انكم سويتوه اورماسويتوه
بليز لاتبخلوا علي باللي عندكم
وارفعوا موضوعي

6 تعليق 1,088 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ksm_khyr

    حاولي يكون عرض الدولاب 45 سم لأنه اذا كان 60 بيكون عميق وفيه أشياء جوه ماتشوفيها
    المغسلة رخام صناعي افضل وارتب واجمل
    نوعي في الادراج شي للحون واقفة وشي أرفف مابينها مساحة لأنه لو كانت كلها واسعة بتتركب على بعضها الاشياء
    كثري من الادراج نفسي افصل دولاب المطبخ كله أدراج
    نفسي غطاوي القدور ارتبها واقفة زي الصحون في المنشرة عندي عقدة من غطاوي القدور
  2. مساء الخيرات والليرات
    من تجربه ابتعدي عن الابيض والاسود
    المغسله الرخام الصناعي افضل
    واهم شي الرخام مايكون اسود مع الوقت يشهب وكل شي يبين فيه
    امممممم ايش كمان ايوا افتكرت انا مطبخي كبير وعندي مستودع ففصلت الدولاب حرف Lواستغليت المساحه الباقيه في اشياء ثانيه
    عملت جلسه جانبيه
  3. @nsym_bhr33

    خذي لك ورقه وقلم
    وابدأي من يمين الجدار عندك كيف تبغي الشكل يكون
    الدواليب اللي تحت تكون كذا مثلا
    اول دولاب باليمين لبيت المونه للمعلبات ويكون كله رفوف
    بعده دولاب الصحون الطويله ويكون مقسم اربع اقسام
    بعده دولاب رفوف للصحون القزاز مثلا
    بعده دولاب تحت المجلى
    وبعده مكان فراغ لغسالة المواعين
    وبعده دروج مثلاً
    وهكذا صمممي بجنب بعض ارسمي مربعات
    كل دولاب واللي بعده وتخيلي مطبخك
    بتوقفي هنا وتجهزي هنا واحتاج هنا وارسمي
    وكثري درووووج مهمه وحلوه وتاخذ كميه
    ودولاب للقدور ودولاب للبلاستيكات
    وكذا واذا تبغي تحددي مكان الفرن لاتنسين
    والفرن الكهربائي والمكرويف
    ومكان للبراده
    والعياشات مهمه اللي هي علب اقصد دروج الرز والسكر والدقيق بالنسبه لي فادتني مره
    وارجعي جهزي ورقه ثانيه
    للدواليب اللي فوق وابدأي من فوق من اليمين
    خلي دولاب المعلبات طوييييل من تحت الى فوق
    وابدأي باللي بعده
    دولاب كاسات ودولاب براريد ودولاب للاكواب وكذا
    عندك مساحه كبيره بالمطبخ جهزي ركن قهوه
    او دواليب زياده للتخزين دروج للسفر والبلاستيكات ومواعين العزايم وكذا
    يارب اكون افدتك 💖
    بس لاتنسي مكان الافران وغسالة المواعين والبراده والثلاجه
    في التصميم

تابعي تجارب أخرى من هذا القسم.