حوامل الامارات (تجمع) 2

مرت سلطان حبيت اعرف هي شو عندها؟؟؟ عندها محل والا شو؟؟ ابغي تفاصيل لاني هاليومين لازم اسير اتشرى للبيبي...وابغي اعرف ملهية ديور من وين اشتريتيها؟ اذا موجوده في بلادنا

مرت سلطان

أنا أبا بعد خاطري في مثل هاي المصاصة مالت ديور...رزه هههههههههه

اسمحيلنا الغالية أسمينا حشرناج..هي صح وبعد كم بيكون سعرها ويا المراضع؟؟

والله متلومين فيج من كثر الطلبات..:42:

maithooh_2002
اللهايه مش بالبلاد...المرضعه موجوده...
ووحده بالمنتدي اسمها روح العطور اتيبها طلبيه من امريكا هذا رابط موضوعها
http://forum.hawaaworld.com/showthread.php?t=716452

ام راشد ما عندها محل تشتغل من بيتها عندها خياطه بالبيت....و الاشياء اللي اتوفرها كتبتلكم اياها...

inspired
افا عليج الغاليه...
شوفي رابط الحرمه و سعر المرضعه عنده و عند saks fifth avenue
اللي في برجمان نفس الشي ...
بس اللي في برجمان للاسف بعدهم ما يابو اللهايه و ما يعرفون متى بتوصل

مرحبا حبيباتي كروشات وحوامل الامارات.... بصراحه سوالفكم كلها حلوه الله يوقومكم بالسلامه انتو والبيبيات ..اكيد اتقولون هاي اشفيها داشه بالعرض..انا مب حامل بس عندي بنوته واذا اراد الله ناويه احمل(رب لا تذرني فردا وانت خير الوارثين).. المهم حبيت اطمن الحوامل وخصوصا حوامل البجر .. حبيباتي كل وحده ولها تجلربتها الخاصه بالحمل والولاده يعني بالمختصر مستحيل تكون تجربتج مثل تجربة اي امرأه اخرى وهذا الشي المميز بالحمل .. يوم كنت حامل سمعت ملايييييييين القصص عن الحمل والولاده بس ما لاحظت انه فيها اي شي يشبه تجربتي اللي مريت فيها يعني في حد يعاني وايد وفي حد الله يسهل عليه وفي ناس تتاخر ولادتها وفي ناس اول يوم بالتاسع يربون على قولت امي وعمتي الياهل يوم يبلغ يطيح يعني نفس الثمره لما تصير خلاص ناضجه وصالحه للاكل اطيح من الشيره هههههههههههه.. لا تخافون ياحبيباتي اهم شي الدعاء ياااااااااااا حوامل الدعاء ثم الدعاء..الله يسهل عليكم جميعا وتولدون طبيعي ...
حبيبتي مرت سلطان اذا ما عليج كلافه طرشيلي رقم الحرمه ام راشد لان اختي حامل وناويه اتجهز وشو اسعارها..
وسامحوني طولت عليكم