تباشير الخير الحادي عشر لمواليد مارس&ابريل 2020💖💙

بصمه انتي لا تناقشين زوجك ولا تعصبين عليه ، اذا شافك تعبانه بعد الولادة كل شي تبينه بيصير ، وده يشيل التعب عنك وكل شي تقولينه بيسويه . الحين هو بس شايله هم فترة الاربعين تراها طويله حيل على الرجال مايصبرون ،،

انا حملي الاول زوجي قال شرايك بحكم انهم توأم ماتروحين لاهلك ، لان هنا غرفتهم مجهزه و اغراضهم بدل مربيه بجيب اثنين يساعدونك و امك برضو قريبه .. قلت ولا تفكر اصلا اجتاج بيت اهلي اخواني حولي وامي و ابوي طول الوقت معي ..
قال اوك اللي تشوفينه، ولما ولدت صار اللي هو خايف منه سحححححبت عليه بدون قصد، صرت متشتته وما انام زين و ام جديده و توأم يعني نسيت نفسي مو بس زوجي ، صرت قليييل ارد عليه ، و هو طبعا قبل يجي لازم يكلمني يعلمني انو بيجي ، وطبعا انا ماارد ، وقتها مسيكين متحمل لين انفجر ، انتي اهملتيني من يوم جاو البيبيات وانا ماعاد اهمك اصلا و و و و و و و و و وكلام كثير وانا وجهي طار واقول بقلبي انت تقول هالكلام وين العقل و الثقل 😅 قلت اصبر خلني الحين استوعب اني صرت أم بعدين اضبط وضعي معك،
والحين حملي هذا من يوم حملت يقول نفاسك عندي انا ابيكم حولي والصغار ماابيهم يبعدون عني فتره طويله ، قلت اوك ابشر ولا يهمك > وانا اصلا مضبطه وضعي ببيت اهلي و كل شي خلصته هناك بس ادري اذا ولدت بقول تعبانه ابي بيت اهلي و اكيد و مستحيل يرفض 🤣

هلا هلا بام سعد منوره

انا زوجي هالمره مستعد انه راح انفس بالبيت مو علشاننا يبي عشان الفطور والسحور برمضان وطقيتها بوجهه قلت ولا تفكر مجرد تفكير ابروح عند امي باذن الله ٤٠ يوم وثاني شي لو وافقتك وجلست في البيت تجيب لي عامله قال لا عندك بناتك كبار ونستاجر بالساعه قلت اجل دامك مافكرت الا نفسك انا ماافكر الا بنفسي وزياده امي صعبه اخليها تردد علي وهي توها متعافيه من مرض السرطان الله يتمم عليها صحتها يارب والى الان فيها اعراض علاج الكيماوي والاشعاع فمستحيل اثقل عليها

حمدلله انا لسالتها تنام معاي احطها بسريرها وتقوم 😣

ان شاء الله تهدا وقت تجي اختها