١٥- طبعا بعد قصة الفرط وتاجيل الترجيع انا خلاص هنا فقدت الامل استغفر الله ليش الامور بتتعكس معايا واغلب اللي في المنتدى هنا كانو يقولو انه التجميد يضعف الاجنة اكثر وانا اجنتي الله يعلم بحالها وبضعفها ماعدا الاخت تهاني كانت تقول انه الدراسات الحديثة اكتشفت انه الاجنة المجمدة افضل من الفويش ولها نسبة نجاح كويسة طبعا بارادة الله..
١٦-رحتله الشهر اللي وراه عملت الترا ساوند شافها قال لا الرحم زعلان لسه مو جاهز للترجيع رغم انه البطانة سمكها كان ممتاز قوالي تعالي الشهر الجاي نشوف..
١٧- رحت الشهر اللي بعده شاف الاشعة وسالني انتي مستعجلة عالترجيع؟ قلتله اللي تشوفه يا دكتور ، زي ماقلتلكم بعت الموضوع خلاص انا مكملة لاني بديت مابغى اوقف في النص حتى هو لاحظ قالي ليه مستسلمة كذا اول كنتي تشارعيني وتجادليني الان طفيتي قلت خلها على الله..قال الرحم شكله مو عاجبني رغم انه السمك طيب والمساعدة حقته تقوله خلاص يادكتور رجعلها السمك درجته حلوه لكنه رفض قال اجنتها غالية مابغى اجازف بها لانه عارف مشكلة البويضة عندي،، المهم طلب مني ارجع بعد شهرين وكان ذلك..
التجمع (١٤٤) للمقبلات على أطفال الأنابيب والتلقيح الصناعي 💚
متابعة النقاش، صفحة 175