١٢ سنه كلها مشاكل مع زوجي
حاولت بشتى الطرق انه أكسبه وأحييه في لكن مافي نتيجه
يتعدل الحال اسبوع ويخرب شهرين
ونتاج هالسنين ٣ اطفال واحد منهم لسا ماشرف ع الدنيا 😭
كنت ضد الانفصال بقوه لانه على امل ينصلح حالنا
لحد ماصار يصرح انه مو مرتاح معي وأنه ليتزوج وأنه الحريم مو نفس بعض ويمشي ويسأل المتزوجين ارتحتوا لما أخذتوا الثانيه ولالا
ولما اسمع هالكلام انجرح
لاني تنازلت عن كثير اشياء من حقوقي بس عشان تسلك الحياه معه وبالنهايه طلعت كل تنازلاتي مو منتبه لها ويشوف نفسه صح وانا الغلط وانا اللي ماتعاشر وانا اللي لي وفي
الان ودي اقرر الطلاق لكن خايفه
كيف ابدا حياه جديده
عيالي كيف اطلعهم سويين خصوصا متعلقين بأبوهم بس اذا كبروا ببيته يمكن بيشوفونه ويعرفونه ع حقيقته
كيف أنساه وكيف انسى بيتي واستقلاليتي ووضعي اني متزوجه بالمجتمع كيف ارجع مطلقه بعد هالعمر بدون انهيارات وبكاء وحساسيه وانعزال
كيف أواجه كلام الناس وكيف احمي عيالي
مره خايفه من هالخطوة
بالله تجاربكم على ممكن اطلع من عنده عادي و نبدا حياه حلوه انا وعيالي ولالا
اول ماطلع تنصحوني اسافر اروح مكان بعيد انا وعيالي لين تشفى صدورنا ولا كيف
انا موظفه الحمدالله يعني ماديا ماراح احتاج احد
شاركي في النقاش
سجلي الدخول لإضافة تعليق.
التعليقات
11- اول شي طمنتيني انك موظفه
ثاني شي لا تتخذين قرار وانتي حامل انتظري
ولا اشجع ع الطلاق علشان الأطفال
وادعي ان الله يصلح الحال وربي قادر ع كل شي - الطلاق مو قرار تتخذينه بوسط الضغوط
انا مقدره صبرك كل هالسنوات لاكن هل سيئاته قويه تستدعي الطلاق
يضربك؟يخونك؟بخيل؟مايصلي؟مو متحمل مسؤليه؟يغلط عليك بالكلام ؟
مدام فيه اطفال لازم تفكرين بدال المره الف مره علشان لابيوم تندمين لانك بتقررين لهم حياه جديده ب اختيارك انتي
نجي لوضعك بعد الطلاق ....
وين بتسكنين وكيف علاقتك ب اهلك وكيف شخصيتك هل انتي عندك صبر وطولة بال ترى وراك مسؤليه مو سهله ولابسيطه واقولها لك من واقع تجربه
ماعرفت اثار الطلاق ع الابناء الا بعد ماصارت بنتي مراهقه
فهمت وعرفت ليش كثير صااااابرات
ترى انتي قدامك مرحله مو سهله بغض النظر عن المجتمع ونظرته اللي ممكن تأثر فيك سلبيا اذا انتي هشه وحساسه - السلام عليكم
كيف حالك اختي ؟
رفقا بحالك أختي...
إذا أستنفذت جميع الطرق، و ترين أن الحياة أفضل بدونه ....
طبعا الإجابة تطول، فهذه حياة كاملة ...
نصيحتي لك أن تتقبلي مشاعرك في هذه الفترة ، و إذا شعرت بمشاعر سلبية حاولي ان تفرغيها بقدر المستطاع ...
كل شيء له وقته ، الأهم أن نسيطر على انفسنا حتى نستطيع السيطرة على الأمور ...
المجتمع يوجد فيه جميع الأراء و الاتجاهات، و التفكير فيه مرهق ، فالأفضل أن نترك ما يفكر فيه الناس و نبحث عن السعادة في قرارنا ....
و اطمئني فتربية الأبناء تقوم غالبا على الأمهات المهم أن تثقفي نفسك و تطويرها في هذا المجال، و تقومي بتأسيس أولادك على جميع المستويات( دينية ، ثقافية ، تعليمية، رياضية، اجتماعية )
و أخيرا، اعلمي ان الحمل مرحلة تغير مشاعر ، فحاولي أن لا تكون هذه التغيرات تؤثر عليك ....
...
تحياتي لك دارين حسن مستشارة نفسية و زوجية - انا نفسك
بس غير سعودية متزوجة سعودي
عايشة في كبد و جحيم محد يتصورة
وين اطلع و اروح و من وين اصرف ع نفسي
وووو
حسبي الله ونعم الوكيل - الله يفرج همك يارب
مواضيع مشابهة
تابعي تجارب أخرى من هذا القسم.