شاركي في النقاش

سجلي الدخول لإضافة تعليق.

التعليقات

11
  1. @amp_ghndor_amp

    هذا القرار لازم لما تاخذية لازم تكوني مقتنعة مليون في المية
    بعدم قدرتك على الاستمرار
    ولازم لما تاخذية مايكون تحت اي ضغط
    والاهم لازم تدرسي حياتك بعد الطلاق
    ولازم تطلعي من بيته لبيتك انتي مو لبيت اهلك
    لان الاستقلالية لها دور كبيييير في راحتك انتي وعيالك
    استخيري كثير وفكري كثير وربنا يكتبلك اللي فية الخير
  2. @lhfh_oshok

    مانصحك بالطلاق حتى لو تزوج يمكن ينعدل او تنشغلون عن بعض شوي وتتغير مشاعركم اتجاه بعض .
    لا تقررين وانتي بهالوضع
  3. @faith_5

    اكبر غلطه ممكن تسوينها انك تتخذين هالقرار وانتي حامل..


    معروف الحامل مشاعرها تكون ملخبطه َتميل للحزن والبكا وتضخيم الأمور..


    مااستهين ابدا بمشكلتك بس هرمونات الحمل تزيد الحساسيه فالأفضل انك تتخذين القرار وانتي واثقه ١٠٠٪ ومو تحت ضغط احد..


    اجي لنقطة الأطفال وهم الأهم في هذي العلاقه،
    كنت زمان اقول اللي تقول اصبر علشان عيالي كذابه بس والله الدنيا اعطتني دروس مجانيه، فعلا الصبر علشان الأطفال وعلشان مصلحتهم شي اساسي،. خصوصا لو كانت علاقتهم بابوهم حلوه ويحبهم ولا يقصر عليهم فقط الخلل في علاقته معاك..


    ترا اطفالك منفصلين عنك وعن مشاكلك معاه، لاتحمليهم مشاعرك وخيباتك اللي عشتيها مع ابوهم،
    علاقتهم معاه علاقة بر وعلاقة دم وعلاقه أقوى واعظم من علاقتك فيه..
    وحتى لو تطلقتي مو من حقك تبعديهم عنه علشان سعادتك وهذا الشي في منتهى الانانيه وراح تجنين ثمرة تقسية قلوبهم عليه في الدنيا قبل الاخره
    الا لو كان ابوهم منحرف اخلاقياً او متعاطي وتخافين على الأطفال منه..


    حتى لو انفصلتي لازم يزورونه ولاتشوهين صورة الاب في بالهم َ
    واذا هم انتقدو ابوهم او زعلو منه تحننيهم عليه وتحثينهم على بره ووصله وانتي مأجوره في هذا الشي..


    انتظري وتريثي ولاتاخذين هالقرار الان،
    وخلي فتره حملك الباقيه ونفاسك فترة نقاهه،
    لعد تركزين عليه وخليك مع الله َوالدعاء..


    تعرفين دعوة المضطر؟
    قومي الليل وادعي الله انه ييسرلك الخير ويسخره لك ويريحك،
    كل يوم قبل الفجر بنص ساعه او ساعه ركعه ودعاء وفضفضي وابكي وصدقيني رب العالمين معاك وماراح يردك أبداً..


    ورمضان جاي التزمي القيام والدعاء والله ماراح تشوفين الا الخير..


    وصدقيني البيوت مليانه وكثير ممشين في هالحياه،


    اذا زوجك ماهو مدمن ولايضرب ولا هو شاذ لاسمح الله انصحك تتريثين وتسالين الله ان يكشف مابك ويرده إليك رداً جميلاً..


    الله ييسر امورك ويسخر زوجك واولادك ويقومك بالسلامه ان شاءالله ❤️❤️

تابعي تجارب أخرى من هذا القسم.