اخواتي جد وصلت حدي من ذا الرجال كرهني عيشيتي وطلعت اللي بقلبي

السلام عليكم
انا دائما بناتي يجيبون فيني العيد الله يصلحهم
وزوجي اذا عصب سوى النون ومايعلمون
لكن ذا السالفه غير

راح زوجي وبناتي الأهل زوجي يتقهوون اللي حصل
اهل زوجي عندهم شغالة وتعرفون فلبينو يحبن يصورن بالجوال وينزلن بالفيس بوك ويحفظن عندهم فكل تقريبا او جميع الشغالات مصوره حديقة اهل زوجي و الاكل واشياء. نفس كذا لكن ماصورتهم هم لا فقط اكل حديقه لكن اوادم ماصورت طبعا كشفوها اهل زوجي واللي علمتهم ان الشغالة تصور بنتي عمرها ٩ سنوات طبعا بنتي جت قالت لهم ان الشغاله تصور بس امانه لاتعلمون انه انا اللي قلت لكم عشان الشغاله مرررره منبهتني انه ما اخبركم قالولها طيب وكلمو الشغاله قالولها لاعاد تصورين ومسحو الصور اللي تخصهم من جوالهااا مر يومين على ذا السالفه جو بناتي نفس كل يوم قابلت بنتي الشغاله قالت لها الشغاله انا زعلان منك ليش تخبرين مدام انه انا صور بنتي عصبت وزعلت وكتمت سألتها خالتي ام زوجي
قالت البنتي ليش معصبه وش فيك قالت بنتي
انا زعلانه ليش تمسحون صور المسكينه الشغالة حرام عليكم ام زوجي فجئه عصبت انتي ماتربيتي قليلة ادب وقحه يبيلك تربية من اول وجديد مررره عصبت من بنتي وراحت الزوجي ربو بنتكم خل زوجتك تربيها عيب كذا انا ماتجلس عندي قليلة الأدب هذي بعدين من معلمها انه مفتشين جوال الشغالة وتزاعق بقوه على بنتي بقوووه من قااااايلك انه مفتشين جوال الشغاله وتنجن بنتي وتقول ماما هي علمتني هي خافت انهم يهاوشون الشغالة وقالت رحمت الخدامه خفت يهاوشنها قلت انه انتي ياماما
وجت بنتي منهااره وتبكي طبعا زوجي يا حيوانه ليش تعلمين البنت انه مفتشين جوال الخدامه يا خبيثه انتي تدورين المشاكل يا كلبه انتي خبيثه انتي وقحه وقليلة ادب وماعلمتي بنتك الأحترام يا كلبه يا ويا ويا وياااا
حتى انتي تقولين البناتك راقبو جوال بابا شوفو هو يكلم بنات او لا انا ترى عارف انك خبيثه انا عارف انك من تحت التحت بس امشي لك
اساسا زوجي مو اكبر همي حتى ما احبه وهو وسيلة انجاب فقط وبيت واروتين لكن حب وموده مافيه لايوجد اساسا هو من صلاة المغرب الى ٢ بالليل يوميا بالاستراحة هذا غير السفر الحاله كل فتره ولاعمري طلبت قلت سفرنا ودنا لانه ما استانس معاه ولا انبسط نكد وهواش وقلق ففضلت عدم السفر معاه وهو يسافر الحاله او مع اهله انا كافيه خيري شري هو مايشوف اني ما اطق له خير كيف يفكر انه انا اقول البناتي راقبو جوال بابا شوفو من يكلم مايشوف اني ماطقيت له خبر مايشوف انه دخل او طلع او سافر كله واحد عندي مره بنتي جتني قالت بابا بالسناب يكلم بنت قبل سنه تقريبا هذي السالفه
رحت قلتله عااادي وانا هاااديه يافلان انتبه من الأطفال
ترى كل شي يسجلونه وقالولي كذا وكذا هو جدا جدا توتر وقام يبرر وقال اطفال وعادي ولايكون صدقيتها قلت لا من جدك بصدق أطفال طبعا ماصدقتها بس استهبل عليك ومن بعدها هجد طبعا ليش كانت ردت فعلي بارده لانه عااارفه زوجي بيقلبها علي وبصير انا الشكاكه المريضه قلت حطي في بطنك بطيخه صيفي وبالطقاق كلم او ماكلم له رب يحاسبه خلك في فلتك الجديده وبيتك واثاثك واطفالك وهو بالطقاق
مر على السالفه سنه كامله تقريبا واليوم جا صايل عشان سالفة بنته والشغالة
وقلت انا مالي دخل طبعا ماصدقني انتي خبيثه وكلبه ووقحه ومن تحت التحت وتدورين مشاكل ومرسله بنتك وحاشيه راسها عشان تتهاوش مع امي
وانتي شكاكه ترسلين بناتك يراقبون جوالي وتقولين شوفو ابوكم من يكلم ومريضه بالشك
وكلام كثير يجرح
طبعا انا هنا انفجرررت بوجهه ورديت عليه قلتله فوق اني ماطقيت لك خبر تسهر للفجر تسافر تتمشى على كيفك مافيه اي نقاش بيننا ولا اي كلام بيننا حتى ماعمري سألتك متى بترجع تقول اني ارسل بناتي اقول راقبو ابوكم شوفو من تكلم
وعععع ان شاءالله تكلم عشرين بنت لك رب فوق يحاسبك مالي دخل فيك
اصلا حياتي معاك فقط للانجاب مافيه اي انسجام وش ذا الوساويس وعععع
تراني مادريت عن هوى دارك ركز بشغلك وشلني من رأسك واسكت ورحت وتركته
انا لو كان طيب معي لسانه نظيف مو اي مشكله تصير يحطها فوق راسي كان حبيته وحطيته على راسي من فوق لكن رجال نفسيه عصبي جاهل نيته شينه ويشوفك خبيثه على اتفه شي يسبك ويسب جدك السابع عشر وانتي ساكته لانك لو رديتي بكلمه ماقصر ودق على ابوك يتشكى وامك ويمكن حتى عمانك دق يتشكى منك صرت استر على نفسي وبيني ولا ارد عليه تخيلو بعض الأوقات يقولي ردي فيك خير ردي وهو ماسك جواله يبي يدق على ابوي فشلنا عند اهلي استحقروه اكروه صارو مايحبونه الحين ابوي مايطيقه بعيشت الله يكره ابوي كره مايحبه بسبب كثرت اتصالاته وعلى اشياء تافه يدق يتشكى ويختلق مواضيع كذب كلمت زوجي لاتدق عيب ترى ينقدون عليك يقولي انتي نصابه خليفه ادق يهاوشونك والله ماعمرهم هاوشون يبلشون راسي سب فيك رجلك ماعنده سالفه يدق هلى اشياء سخيفه الدرجة امي مره طقته بوجهه دق يتشكى مني قالت له لاعاد تدق علي تتشكى انا مالي دخل في مشاكلكم وش اقوى من كذا صرت اسكت اذا سب مابي ارد اخاف يدق على اهلي يوقفونه عن حده تصير مشكله اكبر
انسان غبي احمق يشوفي ساكته استقوى وع
ذا رجال استغفرالله مرضى مدري كيف يفكرون حوم كبدي