المشيمه الملتصقه بالرحم

بقول لكم الي صار جاني نزيف بالليل يوم الاثنين الي فات حاولو يوقفوه ووقف قالو خلاص صومي وبكره نولدك عشان بالليل مافيه استشاريين نفس الصبح جاني دكتور التخدير وجلس يقول احتمال تصحين بنص العمليه لان الدم الي مبنج راح تنزفينه ونحط دم جديد وإذا صحيتي تسمعينا وتحسين فينا بس كنك بغيبوبه😪ماتقدرين تكلمين فيه لي بفمك صعبه اساس جسمك مبنج جلست ابكي خفت يصير لي كذا
بعدها بساعتين نزلوني الساعة تسع بالعمليات يضبطون لي الإبر وينوموني زين على السرير وأنا بقلبي ادعي ي رب سهلها ي رب استودعك طفلي ورحمي ونفسي🤕المهم تحت الرقبتي حطو مخده وراسي نازل على الجهة الثانيه بدو يعطوني مخدر والدكتور يرص علي الكمام قوه😖

احس ببكي والله ،، الحمدلله الحمدلله الحمدلله على سلامتك ي روحي وهانت كلها كم يوم وتطلعي من العناية .. أيام تنذكر وما تتعاد يارب .. الله يتمم عليك الصحة و العافية

سحبت الكمام قلت خلاص قالو وش خلاص تراك صاحيه اشفطي اخر شفطه عاد تشهدت ورجعت أخذت الكمام ونمت كانت الساعة عشره الا شي بسيط بعدها صحيت وهم يقولون الحمدالله على السلامه😢الله كتب لك عمر جديد وأنا كني بحلم وكنت أقول شي مو متذكره بس الدكتور يرد يقول ايه الرحم شلناه💔🥺عاد انقلوني العنايه ي ربي مااقول لكم عن الموت الي شفته😞الم يموت عاد امس ودوني الغرفه

جاني ثالث يوم الدكتور يقول اول مافتحنا الرحم فك زيف حيل قوي مامدى نسوي شي لان ثواني وبدا النزيف يقول كل الي بالغرفة يقولون الحين توفى المريضه💔يقول وأنا بقلبي أقول نفسهم يقول مسكت جزاء من المشيمه بحاول فيها بلشت قوى النزيف🥺يقول على طول شلت الرحم حفاظ على حياتك ووقت كان يمشي النزيف كان ينزل من تحت بعد يقول عاد قطعناك من تحت😖نحط شاش نحاول نهديه عشان نعرف نشتغل الحين فيني خياطه من تحت ومن بطني جرح بالطول تحت السر فكوه لما بدا النزيف افتحو واحد ثاني فوق السر بالعرض😞الله يعين العمليه جرحين طول وعرض وحتى رقبتي حطو فيها أنبوب ي رب بااجره😔💔

الي فوق السر للطفل😞
ي رب بس اقوم بالسلامه كنت احسب اذا سويت العمليه ارتاح 🥺
الحمدالله