عايزة اسيب خطيبي

المشكلة بيني وبين خطيبي هو كتير حساس وبيزعل بسرعة وانا العكس حساسة بس بقدر اتحكم في مشاعري وردات فعلي هو عايز اهتمام بزيادة وانا مشغولة حاليا بدراستي وفي ضغوطات كتير عليا وهو مش مقدر ولا يمكن علشان انا مبقولش بس انا نبهته قبل كدة ان انا مش بحب اتكلم كتير وصعب عليا ان انا اتكلم وافصح عن مشاعري بسمعه وبتحمل لما يقعد يحكيلي عن حاجة او يعاتبني على حاجة هي مش من حقه اصلا او حاجة انا مش قادرة اعملها دلوقتي خصوصا ان هو بيقعد يفكر كتير وساعات بيكون عنده وقت فراغ وانا عكسه تماما يعني انا مثلا اكبر واحدة في اخواتي وماما وبابا مشغولين انا اللي بهتم بالبيت واخواتي ودراستي وساعات بساعد امي وابي في شغلهم باجي على اخر اليوم خلاص مش قادرة لدرجة ساعات بهمل في دراستي وبتعب في المذاكرة ايام الامتحانات وكمان هو بيقول انه بيحبني بس انا مش شايفه ده علطول يقعد يقولي انه بيحبني بس عايزني انا اللي اهتم بيه انا اللي اكلمه انا اللي امدحه انا اللي اقوله كلام حلو ويقعد يقولي انت مقفله على نفسك كده ليه انت مش زي البنات شوفي دي بتعمل ايه هو انت متاكدة اللي انت في السن ده اللي اصغر منك متجوزين ومخلفين وانا بصراحة الفترة اللي انا اتخطبت فيها بدأت اهتم بعبادتي بحاول ابعد عن كل سلوك غلط او معصية على قد ما اقدر بصلح من نفسي وبحاول اهتم بمذاكرتي اكتر بس حساه مش زيي يعني انا مثلا بهتم وعايزة اهتم بالدين ولما اجي اقوله صلى يقولي انا اصلا بايظ مع ان في أول الخطوبة لما كنت بقوله صلى كان بيصلي بس دلوقتي مبيسمعش وكمان نفسيته بتتغير بسرعة اي حد يضايقه اي مشكله تقابله ونفسيته تتعبه يجي ينكد عليا ويقعد يقولي على الحاجات اللي هو شايفني مأثره فيها واللي انا اصلا شيفاها مش من حقه دلوقتي على حسب ما الدين بيقول وحتى لو انا عايزه اعملها مش لاقية وقت ولا مجهود اني اعملها وكمان لما مثلا يشوفني بتفرج على درس دين ولا اقوله على حاجة في الدين يقوللي الناس دي مش شبهنا احنا معندناش الحاجات دي مع اني مش شايفة كده وانا بصراحة عايزة اسيبه عايزة اهتم بدراستي واتفقه في الدين اكتر وفي نفس الوقت مش عايزة اظلمه ولا أظلم نفسي مش عايزة احس اني انانيه وكمان مش عايزة اعمل مشاكل خصوصا انه ابن عمي والكلام مش هيخلص بس انا فعلا نفسيتي زفت وتعبانة ومش عارفة اركز في اي حاجة اسفة اني طولت عليكو بس اتمنى تفيدوني لاني بجد محتارة ومش عارفة اعمل ايه 1 لا توجد تقييمات لهذا الموضوع يمكنك البدء بإعطاء تقييم عبر الضغط على النجوم أدناه: MyRelatedقد يعجبك أيضاً الرد على الموضوع
اعرفي أكثر على عالم حواء: https://www.hawaaworld.com/%D8%B3%D8%A7%D8%B9%D8%AF%D9%88%D9%86%D9%8A_%D8%A7%D8%AD%D8%AA%D8%A7%D8%AC_%D8%A7%D8%B3%D8%AA%D8%B4%D8%A7%D8%B1%D8%AA%D9%83-4912106/