❤️تجمع رابطات عنق الرحم❤️ 4️⃣6️⃣ ❤️🤰🏻🤱🏻👶🏻

ماشا الله الف مبرووك الحمل
وعقبال ماتشلينهم بحضنك

مبروك الله يتمم لك 😍
تفاءلي خير بإذن الله تكملين حملك للتاسع وتفرحين بهم🥰🌿

مبروك الحمل شيوم 💕 كني تذكرتك أيام تجمعنا قبل سنتين 😍
بخصوص الربط هذا يحدده طبيعة الولادة المبكرة اللي مريتي فيها ،
عن نفسي بولادتي الأولى كانت أموري تمام في الشهر السادس وفجأة صحيت من النوم وكان معي طلق ونزلت معي السدادة ودم ومغغغغغص مثل الدورة وكنت أحس بضغط مدري كيف أوصفه بس أحس شيء بينزل مني ، رحت للطوارئ قالوا العنق فاتح كيس الجنين بدأ ينزل
حاولوا يوقفون الولادة وما قصروا معي لكن جلست يومين عندهم وولدت .. بعدها قالوا لي الحمل الجاي راح نسوي لك ربط

وسويت ربط الحمل الثاني والحمد لله تم بالسلامة
وهذا الحمل الثالث ومسوية ربط حاليا
قلت قصة حياتي 🙂

فالربط غالبا يسوونه للي مثل هالحالة ((بغض النظر عن الربط الاحترازي اللي يسويه بعض الأطباء لحمل التوأم أو اللي يسوونه بناء على رغبة الحامل))

الاجهاض في الثلاثة شهور الأولى ما يسوون له ربط
والولادات المبكرة اللي تكون مثلا بسبب التهابات أو ارتفاع الضغط أو نزول ماء الجنين ما تحتاج ربط - إذا كان عنق الرحم سليم-

فالدكتورة راح تاخذ تفاصيل حالتك وتقيس لك طول عنق الرحم وتحدد لك إذا تحتاجين أو لا ..
غالبا إذا العنق طوله ٢.٥ وتحت يسوون ربط

وعشان كذا ضروري جدا تبدئين تراجعين دكتورتك مبكر
عشان لو احتجتي ربط يمديك تسوينه

ودام حملك استمر ٣٥ أسبوع أظن هذا كويس لكن أكيد الدكتوره هي أعلم مني وهي اللي بتحدد لك

والله ييسر لك حميع أمورك ويتمم لك بكل خير 🌸

الله يبارك فيك حبيبتي🌻🌻

اميين يارب...تسلمي ياقلبي الله يبارك فيك