التجمع ( ١٤٥ ) للمقبلات على التلقيح الصناعي والحقن المجهري

عليكم السلام
الله ييسر لك و يرزقك الذرية الصالحة
اللي اعرفه ان لازم الوزن يكون مناسب بس ما عندي فكرة اذا ضروري و لا لا
بما انك مقدمة على ابر و عملية وتعب افضل لك تنزلي وزنك قبل الله ييسر لك

جزاك الله خير
وربي يبشرك باللي يسر خاطرك ياكريم

بنات الله يكرمكم لما ادخل الحمام امسح بالمنديل
ينزل مني خيط بني غامق مررة
اول مرة نزل لي الساعه ١ الفجر اليوم
وهذا ثاني مرة اروح الحمام وبعد نزل معي
بس مو احمر لا بني غامق مرة وقليل
استخدم ابر كليكسان +اسبرين وتحميله الصبح وقبل النوم وحدة مع برجينا كير وكليمن حبه ٣ مرات باليوم
ودي اقول للدكتور الغي الابر شرايكم
بكرة الصباح بكلم العيادة احس اخذ اشياء سيوله اكثر من الازم
من مر عليها كذا ووش سويتوا
انا مشكله ما اقدر اترك كل ادويه السيوله لانه عندي اجهاضات سابقه
ف ودي استخدم الاسبرين اخف احس من الابر
انا قريت تجارب بنات سابقه الاغلب ترك كل ادويه السيوله ووقف الدم
او انه استمر على الادويه مع وجود دم بس استبدلوا التحميلات ب ابر تثبيت
وبعد الرابع قللوا تركيز ادويه السيوله واستخدموها للسابع
فودي اقترح عليه بكرة
الي صارلها نفس كذا تقولي وش سوت



وفي بنت لها تجربه قديمه بعالم حواء تقول اكتشفت انها عندها حساسيه من الاسبرين مايناسبها ولما وقفته وقف الدم واستخدمت ابر سيوله بس للاسف اخر دخول٢٠١٦
شلون نعرف اذا نتحسس من الاسبرين

نايس الاسبرين مش مهم الابر اهم اخر محاوله لي الدكتور قالي سيبك من الاسبرين والكورتيزون كلام فاضي واهتمي فقط بالسيوله والمحلول مره قبل الترجيع ومره بيوم الترجيع و٣ بعد الحمل. انا مشلكتي في الجنين نفسه ضعيف. فانتم اذا تبون تزيدون السيوله بالجسم خذو ابر افضل اول ٣ شهور.


لينا الله يعوضك خير
ازهار والبنات المقبلات على العمليه ربي يفرحكم ويتمم لكم على خير.


قمر والله البنات كفو ووفو انا زوجي صبر سنه كامله من غير شي حمل وولاده وقيصيريه كان مره خايف علي مع انه الدكتور من بعد الشهر ٦ قالي عادي اكيد بقلبه بس يقدر التعب.
وللان اذا اقبل على اي محاوله الحمدلله مره متفهم يعتمد عليك كلميه او ادخلي الموعد وهو معك بيسمع الدكتور وش يقول او ارسلي له . اذا كان الحمل تمام وكل الامور طيبه ٣ شهور كفايه حتى بالحمل الطبيعي . وش بسوي بعدين اذا جه البيبي مره تنشغلين معه ويسهرك واذا كبرو فيلم انا من يشوف ابوه جالس جنبي نتكلم بس يجي ركض ومرات يقول لا تحط يدك عليها والا بنام بينكم. عادي ترى مره تتغير الحياه معهم. الله يرزقنا جميعا يارب كل الخير ويبلغنا فيهم.

هو بدري بس انا نزل نزيف مني دم كثير وتكرمين قطع كبيرة مستحيل ان باقي في الرحم شي عقبه
لكن عشان اكون مطمئنة اكثر أبعيد التحليل يوم ١٢