ماعرف أطبخ يابناااااااات ساعدوووني

انا اسكن بروحي بعيد عن اهلي للدراسة والحين انحبست عشان كورونا وماقدر اطلع لكن المشكلة ان ابي اكل وماعرف ايش اسوي طبخات سهلة .. صعب صعب

17 تعليق 1,695 مشاهدة

شاركي في النقاش

سجلي الدخول لإضافة تعليق.

التعليقات

13
  1. @tot_112

    كيف ما تعرفي تطبخين يعني كل اكلك من برا 😳
    اسهل شي بيض مع خبز او مكرونه وبعدها تعلمي شوي شوي ....
    عندك الانستقرام واليوتيوب مليانه وصفات سهله
  2. @aaayshh_mtoadaah

    شوفي الانستقرام :
    افنان الجوهر
    افراح الغامدي
    الجوهره
    مطبخ منو
    آلاء
    داليا أبو حطب
    وكثيييير حسابات طبخ
  3. @aaoatf_trky_2

    اسهل شي انك تستعينين بصدور الدجاج خذي 2 أو 3 اغسليها وقطعيها بالطول 3 أو 4 قطع عشان يسهل نضجها
    ثم اعملي لها تتبيله بسيطه بهارات من اللي متوفر عندك ربع ملعقه صغيره فلفل اسود وبابريكا وثوم وبصل بودره ونص ملعقه صغيره ملح وعصير نص ليمونه اخلطيه واتركيها على جنب
    وجيبي صحن اخفقي فيه 2 بيض مع رشة ملح واتركيه على جنب
    وجيبي صحن واسع فيه ثلاث ارباع كاس طحين واضيفي له رشة ملح ورشه خفيفه بهارات مشكله واخلطيهم
    ثم جيبي الدجاج قطعه قطعه وغمسيها بالطحين ثم البيض ثم البقسماط واذا ماعندك بقسماط رجعيها مره ثانيه للطحين
    وبس حطي على النار زيت على نار متوسطه واذا سخن خففي النار وحطي الدجاج واتركيه الى ان ينضج من الجهتين حوالي 5 إلى 10 دقايق
    وصفيه من الزيت وكليه بالعافيه


    وممكن صدور الدجاج تقطعينها صغير
    وتحطينها بطاوه على نار متوسطه مع ملعقه زيت تحركينها الى ان يتغير لونها الى ابيض
    ثم تضيفين بصله مقطعه + فلفل ملون بارد + ملعقه صغيره بهارات مشكله + نصف ملعقه صغيره ملح او حسب الذوق
    وحركيهم دقيقتين ثم صبي فوقهم ربع كوب ماء وغطيهم 10 دقايق على نار خفيفه عشان ينضج ثم شيكي عليه بالسكين افتحي قطعة الدجاج اذا من داخل ناضج ولونه ابيض يعني استوى قفلي النار وقدميه بالعافيه كساندويش


    واستعيني بالمعلبات مثل الفول والاندومي والطحينه
    كذلك المجمدات مثل الناجتس والبرغر والكبه وغيرها من الاصناف اللي تفضلينها بالسوبر ماركت
    وفي بعض الاماكن اللي تبيع اللحوم يجهزون لك اللي تبينه كفته كباب برغر اوصال لحم وغيرها وانتي بس عليك تطبخينها بالفرن او تقلينها
    وفعلاً اليوتيوب مليان وصفات صواني وساندويتشات ومكرونات ومقالي ومشاوي ابحثي وبتلاقين اللي يناسبك

تابعي تجارب أخرى من هذا القسم.