يومياااااتــ😘زمــاااان😃 فااااات🌼

كنا ايام عيد الأضحى نطلع البر كنا حول الخمس عوائل ونبيت هناك وكل يوم نذبح من هالاضاحي😁ايام شتا الله ع ذيك السنين مازينها
ولا لاجا رمضان نتداور كل يوم الفطور والسحور على بيت كنا ناخذ شراشف ومخدات نام عند العرب اللي عندهم دورية الفطور ويصحونا ع السحور اه ايام ليتها ترجع بس

اعرف اخوات متزوجين اخوان وحده منهم تقول لاختها بنسوي دوريه انتي وانا واخت زوجي وام زوجي برمضان رفضت الاخت الناس مو زي قبل يبغون بعض الحين حتى الاخوات م يبغون بعض

الحمد لله لا زالت عادات زمان موجودة معنا للحين،،
ف رمضان نجتمع كلنا ف بيت الوالد الله يحفظه لنا وكل وحدة تجيب صينية معهاسواء حلا او مالح أي شي من فطورنا ونجلس مع بعض سوالف للساعه ١٢ وبعدها نغسل صحونا ونرتب البيت مع أخواتي اللي مو متزوجات وكلن يرجع ع بيته..
أمي وجاراتها لا زالت تتقهوى مع بعض الصباح يومياً بدون رسميات واذا وحدة مريضه فيهم يسيّروا عليها اذا ما عندها بنات يسوون لها شغل بيتها ....
أيام الأعياد الحمد لله لا زلنا اسبوع كامل الغدا مع بعض نحن والجيران الرجال ف مجلس والنساء ف مجلس كلن يجيب صحنه من بيته ونجتمع نتغدا مع بعضنا....
الحمد لله لا زلنا نفس نظامنا ما في سهر حدّنا للساعه ١١ أو ١٢ بالكثير وكلن غلق بابه ونام ونصحى مع أذان الفجر وكلن ف شغل بيته وأولاده...
ايضا الحمد لله لا زلنا مثل أول عزايمنا عادية بدون مبالغات مثل اللي اسمعهن الحين وخصوصاً هنا ف المنتدى ذبيحة مع فواكه وتمر وقهوة وبعد الغدا شاهي او مشروب بارد وخلصت العزيمه...
لا زلنا ولله الحمد ملابسنا عادية وبسيطه كندورة مخوّرة مع شيلة طوووويله نفس لونها ف الأعياد بدون تسريحات وفساتين وخرابيط واذا ف البيت كندورة طويله أو جلابيه طويله مع اكمامها كامل وشيلة طويله ...
لا زلنا عوايل كبيرة ف نفس البيت اللي يتزوج يعيش مع أهله ف نفس البيت أكلهم وغداهم وعشاهم مع بعضهم لحد ما يكون معه طفلين او ثلاثه وبعدها يسكن ف بيت ملك لحاله ما معنا الخصوصيات اللي اسمعهن واقراهن هنا ف المنتدى....
لا زلنا ولله الحمد نتكاتف ونتساعد ف العزايم كلن يقوم بدوره ما معنا تجي الوحدة تعرض فستانها واكسسواراتها وكعبها العالي شوفوني من افضل ومن أكشخ ،لبسنا مثل ما هو الوحدة بكندورتها وشيلتها ونشيل ونحط مع بعض وسوالف وضحك وفرفشة لحد ما تنتهي العزيمه وبعدها نتساعد كلنا بترتيب البيت وغسيل الصحون ....
لا زلنا ولله الحمد الفستان والتسريحه والمكياج ما نشوفه غير ف الأعراس فقط والتسريحه فقط للعروس وأخواتها الصغار اللي ما تزوجت للحين أما المتزوجات تلبس مغربي وتغطي شعرها مع مكياج بسيط جدا يكاد لايذكر...
هذا بعض العادات لا زالت موجوة معنا للآن ... ممكن البعض يقول معقدين ومحكورين وكذا لكن بالعكس مرتاحين ومبسوطين ولو نريد نسّوي مثل اللي نشوفه نقدر ومسموح لنا لكن البساطه الحمد لله مريحتنا...

اللهم امين

الله يديمها