مشكلة صديقه مع أمها

مشكلة صديقه تريد حل من بنات حواء ...




مشكله بيني انا و امي و بالفتره الاخيره عجزت اتحملها و اتحمل طبعها ... و المشكله بدأت من ولدت و جبت بنت وهي تبي ولد عشان الناس مو عشان يعزني ... وانا عندي ٥ بنات .... ومن بعدها و هي صايره ضدي بكل شئ و تفشلني وانا اسكت ....


امي عالعين والراس بس فيها انها تشك بالناس و تدخل بنواياهم و تكرهم بدون سبب وانا انصحها بكل هدوء تقوم تدعي عليهم بالموت و بالمصايب تقول انتي واقفه معهم ضدي و هي قطعت علاقتها بالناس كلهم حتى خوالي و خالاتي لدرجه صاروا مايعزمونها و لا لها اي قيمه عندهم ولا يزورونها بالبيت وهالشئ يكسرني .... وتفرح اذا صار فيهم شئ ...
والله العظيم يابنات عجزت معها ابيها تتغير و تكون نيتها صافيه للناس ....
بعطيكم موقف :
حضرنا زواج و بعد مرور ساعه دق ابوي قال اطلعوا و طلعنا وماندري وش صاير اخذنا للبيت الا عمي واهله صار عليهم حادث و يبي يروح يساعدهم ومايدرون هم حيين و الا ميتين و بمنطقه شبه معزوله و خارج المدينه ويدقون على جواله الا مغلق .... كلنا انفجعنا و قمنا ندعي الا امي قالت هذه خطه من عندهم مايبوني احضر الزواج ، كذابين ماصار لهم حادث بس متفقين بينهم و قامت تدعي عليهم بالموت و انا هنا صرخت و تهاوشت معها ليش كذا ؟ حراااااااااااام ...
عندي خوات ماتزوجوا واخاف هالشئ يأثر عليهم و يمتنعون الناس مايبونهم ... و صرت ما ازورهم الا يوم كل اسبوعين من العصر للمغرب فقط ...
واذا جلست عندها اسولف او اقولهاا موقف معي و مع بناتي مضحك تقول : لو عندك ولد مو هذا حالك ....


تعبت معها و نفسيتي تعبت ....

8 تعليق 1,050 مشاهدة

شاركي في النقاش

سجلي الدخول لإضافة تعليق.

التعليقات

7
  1. @aaayshh_mtoadaah

    صاحبة الموضوع
    هي تخاف تكون عاقه بأمها ... تقول اجيها يوم كل اسبوعين عشان اتطمن عليها و ارتاح من المشاكل ...

تابعي تجارب أخرى من هذا القسم.