تباشير الخير السابع عشر لمواليد مارس&ابريل2020💙💗

بسالكم بنتي ماتنام ساعه متواصله كل شوي تصحى وتبكي
كيف اعرف ان صدري يشبعها انا اقول شكلها ماتشبع واحيانا اقول دلع
اذا بحضني تنام اسدحها تصحى
جننتني

حتى انا كل خططي راحت🥴 حتى استقبال ماسويت وانا مجهزه كل شي وبيخلص الحجر وانا اكون طلعت من الاربعين اظاهر حتى قمصان الاستقبال ماراح البسهم اذا خلص الحجر ان شاء الله بسوي الاستقبال بس وقتها بكون كاشخه 🤪

الحمدالله علي الخلاص انين
ياربي نتيفه بنتك كلوين بس يالله تكبر ويزيد وزنها

سلام عليكم
صباح الخير
كيفكم مامات وكروشات
مبروك للي ولدو وربي يسهل للحوامل بالسلامه يارب
انا من ولدت وانا من شي لشي حمدالله رب العالمين
معذبتني البواسير حيل 🥺 عايشه ؏ـ التحاميل كلما خلص كرتون رحت ركض اقول ل زوجي يشتري ثاني
ودايم منزعجه واصارخ ؏ـ بناتي حتى الصغيره صارت تصرخ وهي نايمه وتنزعج 😫
ومافي احد يمي وتو هاليومين بدا عندي الاكتئاب من يجي الليل اجلس ابكي ..اهلي بالدمام وانا بالاحسا ومافي احد يونسني😞
احاول امسك نفسي عن العصبيه وماصارخ ؏ـ بناتي بس من افتح عيني وانا بس اصارخ..
وغير هالوباء ٱلـّاـْہ يبعده عنا ويرفعه عنه يالله ياكريم معني مو راعية طلعات بس ضايق خلقي من سمعت عنه..
حمدالله رب العالمين ..
طبعاً انا اقرا سوالفكم اول ب اول بس الاكتئاب مسوي لي احتلال.. وحتى وانا اقرا القرآن اجلس اشهق واصيح لين احسن نفسي خلاص اسكت وانام..
طولت بهذرتي بس حبيت اعطيكم ايامي اللي مريت فيها واللي امر فيها 🥺

غريبه ليه رطبه انا استخدمته بس سبريه محلول نفس المسحه الطبيه واهويها بس هاليومين من جهه اليمين لااقمت ولاانسدحت احس تالمني زي اللي تحرقني