طبيعي أو قيصري ؟؟

غلى كثر ماقريت في المنتدى كنت أظن انني الوحيدة المبتلاة بعقدة الخوف بل الفزع الشديد من الولادة
بس طلعت العقد اخيرا.......
ماتلاحظون كثر المشاكل المصاحبة للولادة الطبيعية ( بواسير سلس بول سقوط بالرحم توسع ...... الخ) من غير الخلل النفسي اللي ممكن يسببه لاغلب الوالدات
طلعوا لي حسنة وحدة غير كلمة طبيعي في هذا النوع من الولادة
ونسيت اهم شي في هالنقطة يازززززززين الستر والا شكل غرفة الولادة وشكل ذاك الكرسي اللي لو اشوفه مرة ثانية مدري شيصير لي يمكن احفر لي قبر وانام فيه ارحم من تعليق الرجلين وتكبيل اليدين ومعاملة تشبه معاملة المجرمين ...........ياحظكم يالرجال وعليكم العوض من هالدنيا يالحريم .........

احسلها طبيعي القيصريه عذاب حراام والله أنا والده مرتين قيصريه الم وتعب يا حبيبتي واحسلها وجع ساعه وينتهي اما احنا وجع طول الوقت ويمتد لشهور وصعب عليها الحمال والثقل غير الكرشه الرهيبه العجيبه الى ما تروووح :(

اذا هي خايفه من الالم بس
فممكن تولد طبيعي بس لاااااااازم تاخذ ابره الظهر
الحين كثييييير ياخذونها واحسن شي في دلة وما عليك من اللي يخوفونك منها
في ناس ماخذينها من 15 سنه تصوري وما ضرهم فمبالك الحين بعد كل هالسنين من التطور الطبي.

اما اذا قصدها انها تتحاشى الخراب الناتج من الولادة الطبيعية
مثل ما تفضلت الاخت ورق عنب وعددت انوااااع الخرابات
فطبعا القيصرية هو خيارها في هالحالة.

اما من ناحية الالم في القيصرية فتعبها راح يقل كثير اذا طلبت تخدير نصفي وليس كامل
وبكذا تتحاشى مضاعفات التخدير الكامل وهي المسببة للشكاوي في السابق.

يا بنات لاحظوا استخدامات التخدير النصفي المتعددة الحين بكل انواع العمليات
اللي تجرى من تحت السرة
مو بس الولادة فاكيد هالنوع من التخدير تطور بشكل كبييييييير ومع ذلك اقرأ في المنتديات من لا زالت تخوف الاخريات منه !! سبحان الله معلوماتهم الطبية اكل عليها الدهر وشرب ومصرين عليها
الحين حتى الطبيعي ياخذون ابره الظهر تلقينهم سواليف في غرفه الولادة هههههه
الله يهون علينا وعليها ياااااارب يا كريم