اللي يشوف كلامك يظن ان اللي مايبون ولدك اشنابهم يوقف عليها الطير ماهم بزران مثله !
لا تسقطين مشاعرك الشخصيه وافكارك ومعتقداتك المغلوطه عن الحياه والناس على طفلك
لاني متأكده 100 % ان اخوانك مايعرفون الكراهيه وهم مجرد اطفال يلعبون يتضاربون ثم يرجعون لبعض
انضجي كفاية تمسكن ودراما وتخاذل
لازم تتعلمين تحمل المسؤليه كأمرأه بالغه
الهروب من المسؤليه بأعذار وحجج واهيه ليس حل انتي مجبوره تبذلين كل الاسباب في سبيل تربية الولد وتهيئه مستقبل جيد له
لا تصيرين انانيه وماتفكرين الا بنفسك وتختارين اسهل واريح الطرق كوسيله للتخلص من المسؤليه وتعليق هذا الشي على الظروف والاخرين لان كل شي يحصل معك انتي اللي اخترتيه
بدال ماتقولين ابي اهرب وانغلق على نفسي واحط الاعذار ان فلان وفلانه هم السبب كوني شجاعه وغيري من حياتك
صححي افكارك ومعتقداتك المغلوطه عن الحياه وعن الناس وعن الزواج والمجتمع
انفضي عن نفسك ثوب الضعف والدراما والتخاذل والانكسار وقوي قلبك وشخصيتك
وخير ياطير انك ماتحبين جمعات الناس لا انتي اول ولا اخر وحده
وكل شي بالحياه يكون جديد علينا سواء جيران او حياة زوجيه او حياة اجتماعيه وعمليه طبيعي اننا نحتاج وقت نتدرب عليه ونمارسه بالتدريج الى ان نتعود عليه مثل ما اتعودتي على مخالطة زوجك ونمتي معاه وحملتي منه وعشتي معاه في بيت واحد
كذلك باقي الامور في الحياه حبه حبه تعودين نفسك عليها
لكن تجين تقولين انا اعلن انهزامي واختار اسهل الطرق في الحياه اني اهرب واهرب واهرب واتخبى معليش هنا انتي الظالمه لنفسك وظالمه لطفلك
انا متعمده اكتب لك رد مافيه طبطبه عشان تصحين من الغفله وتنضجين وتتركين عنك حركات التمسكن والدراما اللي ماتوكل عيش ولا تبني بيت وكلها خداع للنفس وزيادة اوهام على الفاضي
وكل اللي تسوينه محسوب من عمرك وعمر طفلك
انتي تختارين وتقررين اما تصححين وضعك وتغامرين او تبقين مثل ما انتي وتغرقين وتغرقين ولدك معاك
ابحثي في النت عن طرق تساعدك تطورين شخصيتك وتصححين معتقداتك وافكارك المغلوطه عشان مايبقى بداخلك حواجز تعطل حياتك لان اللي انتي فيه مجرد اوهام انتي اخترعتيها داخل عقلك وبالحقيقه هي غير موجوده
ولدي غير مرغوب فيه 💔
متابعة النقاش، صفحة 2
