شاركي في النقاش

سجلي الدخول لإضافة تعليق.

التعليقات

483
  1. @almz

    سلامات بنات الله يسعد اوقاتكم كيفكم اشتقتلكم بس كنت دائما عم حاول اقرا شو عم تكتبوا واطمن عنكم بس بصراحة يلي خلاني ارجع اكتب هي نور لما اتذكرتني كتير فرحت واتورحنت انو بعد كل هالفترة متذكرة اسمي الله يجبر خاطرك ويقومك بالسلامة يا رب معليش يا بنات بدكم ما تواخذوني والله ما كنت عم شارك لاني كنت عم امرق بفترة صعبة شوي وما كان الي نفس لشي يعني حتى الانترنت ما عاد فتحته متل اول شو بدنا نساوي الله يا رب يشرح صدرنا وينور دربنا هو الواحد بالغربة وهو لحاله بتمرق عليه فترات صعبة بس انا طولت معي كتير هالمرة.....هههههه سلامي لكل البنات وللبنات الجداد يعني عن جد هي الجمعة الها كتير معزة يقلبي لانو هي يلي بتذكرني بالشام وبريحة الشام باذن الله منضل مجمعين على المحبة والخير دائما يلا سلام حلوين
  2. @mzon84

    كيفكون بنات شو أخباركون لاتواخذوني مقصرة معكون بس كسلانة وماعم يجي عبالي اقعد عالنت بنوب
    ولذلك راح عليي كتير من أخباركون
    قريت آخر كم صفحة بس ما انفش قلبي لازم أقعد وأقرا يلي راح علليي
    نور الدرب شكرا على سؤالك وإن شاء الله بتقومي بالسلامة
    المزة سلامتك والله يغنينا عن هالغربة
    ولاتواخذوني على تقصيري مرة تانية وسلامي ألكون وحدة وحدة
  3. مية أهلين بأخواتنا الحبيبات وألف الحمدلله عرجعتكن سالمين والله يصبرنا كلياتنا عفراق حبابنا
    والله يهدي هدول العالم اللي ماعاد عندون زوق يللي بيشوفوا الوحده تعبانه وما بيساعدوها وكأنون مو شايفين حدا قدامن
    لك الواحد شو بدو يقول على هيك عالم.. الله يجيرنا
    حبابات ادعولي معكن .. حاسه حالي مالي حيل مرشحه وحاسه عضامي مكسرين
    الجو عنا فظيع هون بمصر كل يوم شكل!!
    الحمدلله شو بدنا نساوي الله يمرء هاليومين عكل خير
    بطه طمنينا كيف صار ضهرك هلأ الله يتم شفاكي عكل خير
    حبيت سلم عليكن كلياتكن وقلكن اذكروني بصالح الدعاء.. وكتير بحبكن بالله
  4. @bth151

    سلامة قلبك يا هنوده وما على قلبك شر
    هاد الجو جو رشح ومرض الله يعينا
    بالنسبه الي وجع ظهري هاد هو واللي زاد الطين بله مبارح العفو منكم اجيت بدي نام لسه ما حطيت راسي عالمخده مدري شو صرلي دخت وصارت نفسي تلعي ولو ماني بالدوره بقول اني حامل رحت ركيض عالحمام اتقيأت وصار كل جسمي يرجف وزاد وجع ظهري عليي اضعاف
    واجتني اكتر من مره نخزات متل اذا بمجرى البول والله مابعرف
    واليوم حاميه حالي عاللبن وان شاء الله رح روح عالدكتوره اول ما تخلص الدوره
    دعواتكم حبيباتي والله يشفي كل مريض ويقوم كل حامل بالسلامه
  5. @sham_1

    صاحبة الموضوع
    بطه151
    سلامة قلبك يا هنوده وما على قلبك شر هاد الجو جو رشح ومرض الله يعينا بالنسبه الي وجع ظهري هاد هو واللي زاد الطين بله مبارح العفو منكم اجيت بدي نام لسه ما حطيت راسي عالمخده مدري شو صرلي دخت وصارت نفسي تلعي ولو ماني بالدوره بقول اني حامل رح…
    السلام عليكم حميعا أخواتي الغاليات

    سامحوني على التقصير بس أنا رابطة ايدي وما عم اقدر اكتب كتير عل ىالكيبورد
    الحمد لله أنا بخير لكن وقعت من فترة على ايدي وضليت توجعني وكل يوم يزيد الوجع لحد ما هلأ ما عاد اقدر حركها
    فبجتلها مشد خصوصي لليد وفيه حدايد فما مخليني اقدر حرك
    المهم وجعتلكم راسكم
    ميت أهلين بكل البنات المزة أكيد فقدناك يا بنت الحلال ولولو كمان وعاشقة وتامو الله يهديها طولت علينا وخجلانة منها بعتتلي رسالة وما صحلي رد عليها ومالي عرفانة وين بدي وشي منها
    سمعانة يا تامو حقك عليي .....
    بس كانت ظروفي صعبة والولحد مو طالع معه الحكي
    سبحان الله شو صايرة الدنيا صعبة والهموم كبيرة وكتيرة
    بس ربي لا يشغلنا إلا بطاعته
    لوليا اشتقنالك واشتقنا لأخبارك انت وشامو وجودي ربي يحميهم
    ساجدة الحمد لله على سلامتك
    دخيلكم لا تنزعولي صورة الشام الحلوة ببالي
    مع انو ما في مهرب من هالمواقف المخزية لكن الله يهدينا جميع
    نور الدرب .منورة والله دائما وربي يقومك انت وفتاة سورية بالسلامة مجبورين القلب والخاطر
    اليوم دريت بوحدة بكرية ولدت وجابت عروس حلوة ما شاءا لله تهونت عليها الولادة بدون ابرة وبدون شي
    فدعيتلكن انو تقوموا بالسلامة على أهون سبب
    بطة .,, سلامتك يا رب
    يعليي ان شاء الله لشو هالمراجعة وهالوجع
    ليكون مخبصة بشي اكله أو ليكون عدك التهابات بالمثانة ....
    روحي اطمني على حالك وطمنينا
    هنودة الله يشفيك يا رب يحقق كل امانيك
    مزون كلنا بالهوا سوا كسل مو طبيعي ........هههه
    هيلين ميت اهلين .هالمواقف بتصير مع الواحد وين ما كان والله اميركان ولا أوربيين ولا سوريين ولا وين ما كان
    الله يهدينا ويصلحنا
    نبارح وحدة كانت عم تقلي أنو الشوام شايفين حالهم
    وما بحبوا يتعرفوا على حدا جديد بالكومينتي
    بس والله تجاكرت أول شي بس بعدين قلتلها الحق معك
    ..........
    شو بدنا نحكي ......
    مو كلهم طبعا بس في كتير هيك
    صحي أنا شو جابني لهالسيرة
    سامحونا
    نور عيني جنان .مبارك الحمل يا رب وربي يهون عليك الوحام ...
    رورو
    الله يعنيك
    خديها انت بقبول وقولي الحمد لله اللي طعمني شوفة أهليو ناسي وحبابي احسن ما كان تضلي محبوسة شروانا بالخير
    والتأقلم بيجي لو انت ساعدتي حالك
    وهالحكي بده قعدة مرتبة
    الله يهونها عليك ويشرحلك قلبك
    نايس سميل طنينا خلصوا المعمولات ولا لسى .........ههههه
    شوفي أنا ما نسيت حدا
    ان شاء الله ما خليت حدا من شري
    شو كمان .....
    ايه عاشقة الحمد لله على سلامة الوالد وبإذن الله بقوم سالم معافى من كل سوء
    الله يخليلكن ياه ويديمه فوق راسكم
    زنزون مستنيين رجتك وتفصيلاتك
    بترفلاي أنا رح احكيلك عن حالي شوي متل ما سألتي
    انا شامية متغربة من 8 سنوات وعندي 3 ولاد وقاعدة باميركا الظريفة من ولاية لولاية ما خلينا حدا يعتب علينا
    ونفسي ارجع اليوم قبل بكرة لبلدي الغالي بس الله ييسر
    عندي 3 ولاد كل واحد قد عشرة بسم الله عليهم
    شو كمان ؟؟؟؟؟
    ملزقة بالمنتدى من ست سنين وبحبه من كل قلبي بكفي أنو جمعني بناس طيبين وأخوات غاليين متلكم
    آية ..طمنينا عنك
    عاش مين شافك
    سامحونا طولنا عليكم خاطركم رايحين نروح استروا ما شفتوا منا
    ولا تدققوا على الأخطاء الإملائية ما لي حيل ارجع دقق