ღ♥ღحيا الله بنات مدينة رسول الله صلى الله عليه وسلم في ملفهمღ♥ღ

تسلمي يا نساء صغيرات

يا بنات أنا حابه أكمل دراسه في إحدى الجامعات اللي تستخدم نظام التعليم عن بعد زي الجامعة العربية المفتوحة اللي في جده طبعا أنا أعرف انها معتمده من وزارة المعارف بس اذا تعرفوا جامعه في المدينة تستخدم نفس النظام ياليت تقولولي عشان مع بداية السنة الجايه بإذن الله أبغى أقدم خصوصا ان زي هذي الجامعات فبها تخصصات حلوه ونادره زي المحاماه وادارة الاعمال وعلم نفس الاطفال وترجمه وحاسب ..............الله يخليكم اللي تعرف اي معلومات تخبرني

ما شاء الله عليكم يا بنات الله يوفقكم كل يوم أجي أطل عليكم بس ماني عافة أساعدكم في شيء أستفدت منكم كتير الله يجزاكم كل خير

أميرة الكادي
الله يتمم لك على خير أنا كمان حابدأ تجهيز للبيبي إن شاء الله بس بعد ما أتأكد بنت ولا ولد
وزي ما قالوا لك البنات خذي الملابس الداخليه من القمه وباقي الملابس عند طفل الشرقيه
ومذركير تعجبني ملابسه وفرصه عاملين تخفيض ألحقي قبل ما ينتهي وعندك كمان آدمز وباقي الماركات وسيتي بلازا وسمينا بنفسك

همسة حب ...... ترامـيسو
حج مقبول إن شاء الله كان ودي أحج هذي السنه بس علشاني حامل ما أقدر وأن بسرررررررررعه أتعب ومع الحمل بزياده
إن شاء الله السنه الجايه إذا الله أراد

فرعونة زمانها
اللهم آمين وجميع المسلمين يارب

نساء صغيرات
البعيجان حلوه لما تكون جمعه وهي كل أربعاء حريم بس
بس صراحه أنا صرت أخاف منها من كثرة المشاكل إللي تصير فيها وإللي مايخافوا الله كثير
أخاف من التصوير علشان كذا من زمان بطلت أروحلها

قطــــــرة ضــوء
سلامتك ماتشوفي شر
بالنسبه لبذرة الكتان ماعندي فكره عنها بس إللي أعرفه إنك تغلي مويه وتحطي فيها شرائح ليمون وكمون
وتتركيها لمدة ربع أو نص ساعه بعدين تشربيه على الريق قبل ماتفطري
وكثير يقولوا نحفنا من هذي الطريقه إن شاء الله تنفع معاك بس أخاف تعملك حموضه أنتبهي
إذا نفعت معاك أدعيلي مو تنسيني

عطر الـــورد
وعليكم السلام ورحمة الله وبركاته

نساء صغيرات
إنتي كمان أهلك مو هنا الحال من بعضه
فكرتك حلوه جزاك الله خير

ام الطموح
آمين يارب

شوكلاته المدينة
العفو حبيبتي

عطر الليالي وباقي البنات إللي طلبوا مني طريقة الوالده في السحلب
هي تعمل كميه كبيره وهي تعمله بالنظر وتقول تقريبا أربعه ملاعق أكل حليب
وخمسه ملاعق رز مصري مطحون وكاسه سكر مطحون ولوز وهيل وبس

كيفكم يابنات المدينه انا يوميا اتابعكم ماشاء الله كل يوم تزيد عدد الصفحات بس ماعندي شي اقوله عشان كذا مااكتب كثير.
واليوم جايه اطلب منكم طلب ان شاء الله ماتردوني وهو اني ابغى اعرف فين تنباع هذي الاله وبكم لان مره وحده من صحباتي جايبه لنا فطاير مسويتها فيها وكانت مررررررررررررره طعمه واليوم لما كنت اتصفح منتدى الفراشه لقيت نفس طريقت صحبتي وهي للاخت عاشقة القلم وهذي صورها


وهذي بعد ماتطلع من الشوايه ونحشيها بالي نبغى