أختي تغار مني بسبب زواجي قبلها

الدعاء ثم الدعاء ثم الدعاء .. ربي يملك القلوب

طيب انتي كيف قلبك الحين اتجاهها
وكيف أصلحت هي الوضع معك يعني ايش سوت ولان قلبك عليها ؟
يهمني اعرف لاني نفس الوضع

عواطف ان كثير احبك كشخص وكعقليه

بس ردك مو موفق


لان شي ما جربتيه لا تحكمي عليه

قابيل ذبح هابيل بسبب الغيرة


يوسف انرمي بالبير بسببب الغيرة


الي ما جربت غيره الاخوات لا تفتي


صاحبة الموضوع حاسه فيك


لي تجربه مشابهه


واحتك اتركيها لرب العالمين


المثل يقول


كل العداوة ترجو مودتها الا عداوة من عداك عن حسدي

ياااااااااه كأني انا اللي كاتبه الموضوع سبحان الله... الفرق ان هذي الازمه عدت بفضل الله وصارت ذكريااااات الان



انا تزوجت قبل اختي وجلست سنين مقاطعتني وتفتعل المشاكل.. والله كنت اداريها واهتم بمشاعرها كأنها أمي مو اختي.. لكن من كثر ماني حاسه بمشاعرها كنت استحمل اي موقف منها... طبعا اهلي كانو عارفين الوضع ونفس الشي كانو يداروها مثل الطفله.

مع ان اختي اللي اصغر مني تزوجت قبلنا كلنا وكان الوضع عادي عندها وعندي... لكن سبحان الله جات علي انا... سنين مرييييره كأن ماعندي اخت للأسف..

حتى يوم انخطبت ويوم زواجها كانت تكلمني من طرف انفها ... كأنها أحست بالانتصار في هذي اللحظه.. مع اني استمريت ع وضعي معاها وازداد اقترابي منها لكن من ناحيتي انا فقط... حتى اغراض زواجها حاولت اساعدها اكثر من غيري... كنت اتحين الفرص اتقرب منها... مدري كيف اوصف شعوري وانا ادور رضاها لكن ربي كان عالم بنيتي وماخيبني...



سبحان الله بعد زواجها بفتره تغيرررررررت تماما... وكأنها عرفت ان الزواج مو كل شي وانه فعلا شي عادي مو نفس ماكانت تتخيل.. والله الحين اكثر وحده في اخواتي بيننا تآلف و صارت بيننا محبه عجييييبه ماشاءالله تبارك الله..الله يديمها




فيا صاحبة الموضوع اقول انتظري حتى تتزوج وتشبع من الزواج وراح تفهم وترجع لصوابها من نفسها.... ولا تفتحين معاها اي موضوع او مشكله قديمه ابدا

الله يحبك ويحبب خلقه فيك يارب
اكيد وانا كذلك احترمك واحبك كشخص
يعني خذي راحتك علقي بالشي اللي تشوفينه يناسب وحابه تعبرين عنه
وانا عندي قناعه تامه انه في الاراء ووجهات النظر مافي شي صح مطلق ولا خطأ مطلق
كل الاراء تحتمل الصواب والغلط حسب كل شخص كيف يشوفها من زاويته ومدى تطابقها مع ظروفه

وعلى فكرة ردي لا يعني اني ضد فكرة ان الشخص يكون فعلاً واقع تحت طاقه هائله من الحقد والنفور من شخص معين
وردي هذا لا يعني اني ماعشت تجربه مشابهه وكنت فعلياً انا الطرف اللي يحس بالاستنزاف من العلاقه المتوتره

لكن بنفس الوقت مايمنع اني اكتب رد يكون كأحتمال آخر غير الاحتمالات المطروحه بالموضوع
لان مثل ماذكرت احياناً الشخص يكون مو شايف نفسه ايش يعطي الطرف الاخر من أذى بس يشوف رد فعله
خاصة ان المشكله انطرحت وفيها حلقه مفقوده بدون تفاصيل كافيه ولا سمعنا وجهة نظر الطرف الاخر
وبالنهايه العلاقات العائليه اللي فيها فجوات وجفاء وسلبيه وحقد متأصل من سنوات حلها مايجي بإسلوب وطريقه وحده ويحتاج طولة بال الى ان تهدأ النفوس وتنضج العقول وكل طرف يشوف الحقيقه بوضوح ويحاسب نفسه ويصحح وضعه مثل ماذكرت ريم تجربتها وكيف مع الزمن تغيرت الاوضاع

الله يصلح بين كل المتخاصمين ويؤلف بين قلوبهم يارب