تباشير الخير الثاني والعشرون(٢٢) لمواليد مارس(3)&ابريل(4)💙💗2020

كيكفكم كروشات ونفوسات
بنات لي ٣٢ والده واحس بمغص زي الدوره لي ٣ ايام يجي ويروح والدم واقف من اكثر من ١٠ ايام وش هذا بنات تعرفون ؟

مبروك التباشير الجديد ويعطيك العافيه عليه
وعقبال كل الكروشات نفرح بسلامتكم

يعطيك العافيه الغدق على التجمع الله يجعلها تباشير خير على الجميع
وتباشير بسلامه الاطفال التعبانين يارب ❤


اما اكشن ولادتي ف ..
كلكم تعرفون اني لي اسبوع متعديه التاسع وطول الاسبوع وانا اعمل تحريض كل يومين وللاسف الرحم مقفل
الى اخر تحريض صار ١ ونص سم
وقمت يوم ١٣ / ٨ وانا نفسيتي زفت وقلت خلااااص بروح يسوون لي طلق صناعي وارتاح


رحت وصرت مطوفه ب ٧ ايام وقالوا تنويم قلت تم
نوموني وعملوا لي تحريض وقالوا نجرب معك التحريض ممكن ماتحتاجين طلق .. وكل شوي جايين كشف وتحريض
و اخر شي صار فاتح ٣ سم ونمت
وجاء يوم ١٤ /٨ وجاء الدكتور يكشف لقاه صار ١ونص 😭 قفل مرة ثانيه
قال خلاص نعطيك تحميله طلق واذا ما فادت نرجع نعطيك الثانيه بعد ٨ ساعات .. بس لازم نعمل سونار نتاكد ان الطفل اقل من ٤ كيلو
اذا صار ٤ ما اقدر اعطيك طلق ممكن ينحشر بالحوض .. قلت كيييف يعني عمليه ؟
انا ولدت بكري ٤ و ٢٠٠ جرام .. قال لا ما اقدر اخاطر .. ويضيق خاطري ونفست عليهم .. نزلت للسونار قال الدكتور ٣ و ٦٠٠ جرام .. وانبسطت و جاء الدكتور حط التحميله وحشرها بقوووة دااااخل الرحم
بس ٥ دقايق ابتداء الالم .. قال نعمل تخطيط بعد ساعه نشوف الطلق
وانا الالم يزييييد بسرررعه ومتواصل غيييير عن الطلق الطبيعي
طبعا حطها الساعه ٤ العصر
لما صارت ٥ وانا انادي الممرضه واقول تعالي سوي التخطيط عشان تفكينه واقوم امشي الالم شديد وانا منسدحه ابقوم .. قالت طيب
وحطت التخطيط ٢٠ دقيقه وكان الطلق حااااار ومتواصل
وناديتها مو قادرة اتحمل ابقوم امشي الام شديد
و جات قالت بنادي الدكتور يكشف اول .. وجاء قال مفتوح من ٤ الى ٥ سم
قلت خلها تفك التخطيط ابمشي .. قال خليه شوي ابغى التخطيط .. وبنفكه .. قلت طيب وراحت وخلتني ٢٠ دقيقه وانا خلاااااص معاد اقدر اتنفس وحاسه نفسي حشرااانه
ناديتها ماترد واعلي صوتي وانااااادي ما ردت
قمت من السرير بالقوووة وجات وانا قدني بفكه قلت فكيه بروح الحمام
قالت طيب ورحت وجلست ما يطلع بول اكرمكم الله .. واتعصر من الالم ومعاد قدرت امشي .. واتمسك بالمغسله حق اليدين وتنفك مويه الراس
واناديها تعطيني فوطه .. وخرجت وقالت بنادي الممرضه الثانيه وانا اسحب السفرة اللي يحطوها عالسرير وافرشها تحتي وتنفك المويه مرة ثانيه .. وانا اجلس على ركبي من قوة الالم .. بس الحمد لله ماكنت اصرخ او ابكي
بس غصب اتكلم ومو قادرة اتنفس
جت قالت لااا ماتولدين عالارض ..تعالي عالسرير .. قلت ما اقدر اقوم
وتساعدي ويجي الدكتور قال ٧ الى ٨ سم ولادة
بس خرج وانا ادف البيبي
قالت لااا اصبري ننزل الكشك .. قلت مو قادرة
واحاول اتحكم بنفسي .هي تدفني بنفس السرير وعلى ما وصلت باب الكشك وتطالعني القابله قالت لاتدفي قلت ما اقدرررر
وادف وانولد البيبي قبل ينقلوني لسرير الكشك الساعه ٦ ونص
و جاء ولدي ٤ كيلو ما شاء الله
وعطوني ابرة النزيف والحمد لله ارتحت
عقبال كل حامل يارب

امين يارب 😭😭

الحمدلله على سلامتك