هل تؤمنون بهذي المقولة الرجل يرفع الوحده أو ينزلها ؟

الزواج الناجح دعم للزوج والزوجه..
الزواج الناجح يرفع الزوج والزوجه والأطفال بعد..


المقوله تنطبق على كلا الجنسين وماهي مخصوصه لجنس معين، الرجل لو وجد امرأه صبوره داعمه بتلاقيه افضل على كل النواحي وكذلك المرأه..


عندنا مثال في العائله لرجل كان في قمة الأخلاق والأداء العلمي والنجاح المادي، ولما تزوج زواج فاشل للأسف تردى من كل النواحي..
وصل فيه انه ترك وظيفته اللي كانت تدر ذهب..


اي شخص يجد شريك داعم راح يطلع افضل ماعنده على جميع الاصعده ، وخصوصا لو هالشريك يكون شريك حياه وعاطفه مثل الزوج او الزوجه..


ونعم الزواج الناجح يرفع الإنسان ويجعله افضل من كل النواحي..

صح مافي قاعده ثابته
كل شخص وله ظروف صح
الا انه الانسان هو الي يرفع قدر نفسه
مهما كانت الظروف الاجتماعيه
والشيء داه يقره الدين فلو رجعنا للحقوق
نلقى للزوجه حقوق وللزوج حقوق وللابن حقوق وللابنه حقوق و للوالدين حقوق .. هنا الفصل بين الحقو وواجباتي وبين انه يتحكم بمصيري
كوني زوجه او ابنه لا يعني اخلط بين الي لي والي علي
يعني الرجل ممكن يكون دافع جيد صح بس اني اخليه شماعه للظلم وللحياه التعيسه فهنا نقول للمراءه انت ظلمتي نفسك بقبولك للظلم حتى لو ذي ما ذكرتي اهلها يتفرجوا وممكن يصفقوا لزوجها كمان .. لبش ظلمت نفسه لانها ما نفضت عن نفسها الضعف والخزي وقامت فسخت او خلعت الرجل واكلت من عرق جبينها للاسف تلقيها قاعده متكيه تتشكى تتبكى والحلول مهما كانت صعبه الا انها ما تبى تعز نفسها هي راضيه الذل والمهانه هي مقتنعه انه زوجها هو الي يعزها وهو الي يرفع قدرها ..
الاسلام ما يرضى لاي مسلمزالذل والمهانه الاسلام اعطاها حقوق عظيمه اذا مادعرفتزحقوقها ولا احترم زوجها حقوقها ايش تبى بداه الزواج بس كلمة متزوجه وكلمت ما اخرج عن شور اهلي يعني اهلك راضين تنضربي انت كمان راضيه وساكته ... ابداً ابدا مو مبرر انه الرجال مصدر عزتي مصدر عزتي ديني و بس

ادري انك تتكلمي عن المراءة المستضعفه لاكني اتكلم بمنطق الاراده

اتفق معاك حبيبتي
والنوعيه اللي ذكرتيها بكلامك ايضاً موجوده وبكثره في مجتمعنا ولله الحمد يعني تتعرض لابتلاء وهو زوج سيئ المعشر واحيانا يكون مدمن او خريج سجون يبهذلها ويحاول يكسر مجاديفها فتستسلم فتره وهي اللي يقولو لها بعض الاهالي الصبر يعني اصبري لعل وعسى يتعدل ولكن من داخل نفسها غير راضيه عن وضعها وحياتها فتنتفض وتواجه وتتشجع وتتحول لوحده ثانيه والامثله حولنا لكثير لمطلقات او معنفات كانو مغمورات وفي يأس شديد وتحولو بقدرة قادر الى اسماء بارزه وناجحه درست وتوظفت وطورت نفسها وتحولت لانسانه عظيمه نفعت نفسها ومجتمعها لكن لما تدوري في حياتها تلاقي احيانا البعض اهلها جنبها يعني شي غطا على شي عندها مو مثل اللي الاهل والزوج ومحيطها ومجتمعها كلهم ضدها وهي من الاساس ضعيفه ومخذوله
المرأه تقضي اكثر من نص عمرها مع رجل تعيش معاه وتتأثر فيه ويتأثر فيها ولكن الظروف تتحكم في مصيرها معاه
وصدقيني الوضع ماله اي علاقه بانه الوحده تعز نفسها وترفعها او انه تهون عليها نفسها مافيه وحده ترضى بالهوان الا المغلوب على امرها واللي ماقبلت فيه الا عشان تعيش بسلام وهو ابسط شي ممكن تدور عليه

ايووووة وبقوووووة معروف الرجل بقوة تاثيره وبحكم ان القوامة في يده وقد وردت احاديث من السنه تبين اهميه عظم مكانه الزوج ووجوب السمع والطاعه فالمقولة صحيحه ان الرجل يقدر يرفع المراة او ينزلها

وكلامي مو معناه انه الإنسان مايقدر ينجح الا بوجود شريك..

في كثير ناجحين وناجحات بدون زواج بسبب ارادتهم وذكائهم..

لكن الناجحين في أسرهم وزواجهم هم الأكثر إبداع وعطاء وهم اكثر استقرار..

ومهما كان نجاح الإنسان المادي فهو في النهايه انسان يحتاج علاقات سليمه ترفع من روحه المعنويه وتقويه يحتاج استقرار وحب وهذي غريزه في البشر..

قرأت عن دراسه مؤخراً كان زبدتها انه الأطول اعماراً والاكثر سعاده بعد دراسات طويله على مختلف الطبقات من البشر هي للمستقرين عاطفياً واللي لهم علاقات داعمه في حياتهم واللي زواجهم ناجح..