ام زوجي والباب 🌚

ام زوجي عايشين معاها بعماره وحده انا وسلفاتي ،،
واذا بغت مني شي او من زوجي تطلع تدق الباب بأي وقت حتى لو ٣ الليل مو هنا المشكله !! المشكله انها تدق الباب والجرس باقوى ماعطاها الله لحد مانفتح ،،
ممكن احيانا اتسبح او نايمه ومره وربي كنت ابكي ومابغاها تشوفني بس ماتوخر عن الباب وبس افتح تقولي لو عندك مليون ظرف تفتحين الباب غصب!!!
ومو بس كذا علمت خدامتها على هالعاده واذا فتحت وهزئتها قالت مو انا ماما تقول دقي لين تفتح ،،،،
انا خايفه اكلم ولدها يقلبها علي لانه شايف ولايتكلم ماغير الخدامه هو شافها وعطاها كلمتين قال دقيتي ٣ مرات مافتحنا روحي عيب كذا ...
وانا لمحت لامه كذا مره بس اشوفها تعاند وتزيد ،،
اللي يقهر انها تقول ليش تنامون للظهر خلاص قومو وخدامتها بعد تقولي ماما تقول خلاص عادي دقي خليهم يصحون وبناتها مايصحونالا ٤ العصر وتقول لعيالنا وازواجنا لحد يزعجهم ،،
سلفاتي اللي اصغر مني برضو يعانون منها بس يقولون خلوها ورى الباب اذا دقت وقت مو مناسب ومافتحو لها واللحين صارت تحسب لهم الف حساب قبل لاتحط يدها عالجرس ،،
وربي ماعاد اتحمل اليوم بس دقت بكيت ودي ارتاح فالنوم مانام الا قرب الفجر من عيالي😭
وهي تدق الساعه ٧ او ٨ الصباح او الفجر ماعندها اي مشكله،،
وماتبي شي مهم احيانا تسأل سؤال وتنزل ماقدر اخليها تدق واطنشها ماعرف اقول بسويها مااشوف نفسي الا وفتحت الباب وسلمت عليها وربي اني غبييييه،،،وهي ماعندها مانع تجلس تدق لو ساعه اهم شي نفتح لها ،،،
لا وتقولي شيلي المفتاح من الباب ولاعاد تقفلينه بس هذي ماسمعت لها ولا راح اسمع وكل ماشافتني دق بالكلام علىمفتاح الباب بس ادخل من اذن واخرج من الثانيه ،،

54 تعليق 12,006 مشاهدة

شاركي في النقاش

سجلي الدخول لإضافة تعليق.

التعليقات

49
  1. @sh_g_n_2

    ارفعي صوت التي في لااخر شي
    خليها تطق الباب لحد ماتمل وتروح
    واذا اتصلت او هاوشت قولي ماسمعت الباب التي في صوته عالي وازعاج
  2. @manar9900

    صاحبة الموضوع
    ~ ورده من ذهب ~
    نشبه هذي لاتفتحين لها خليها تدق لين تطفش وتروح وذا سالتك قولي كنت نايمه
    مافي فايده تجلس بالارض عند الباب وتدق كل دقيقتين والا تنزل وترسل خدامتها والا بناتها يدقون لين نفتح او تتصل على ولدها بالدوام تقول فلانه ماتفتح الباب ومره اخترب الجرس راح زوجي جاب جرس اقوى من الاول 😞😞

تابعي تجارب أخرى من هذا القسم.