بنات البحرين : محل ماكس للملابس .. ضروري "تم تعديل العنوان"

ها كانكم تاخرتو على شوي(مستعجلة حدها )

عزيزتي اذا تقصدين سيتي ماكس الي عندكم في الدمام فتح عندنا في مجمع ستره واهو للملابس :)

اختي موجود بمجمع ستره مثل ما قالت قهوره

قهورة
FANDA
مشكورات حبيبات قلبي على الافادة وكثر الله خيركم بس عندي بعد سوال
وين هذا المجمع (مجمع سترة )وهل سترة بعيدة عن المنامة وتبعد كم تقريبا ربع نصف ساعة اوكم
متى مواعيد الدوام عند ماكس يعني هل يفتح الساعة 12أو1الظهر (أنا مرة رحت سترة عشان احنا شارين كنب من هوم بلازامارينا مول وقالو لنا روحو استلموة من مستودعنا في سترة والله مشينا مسافة موشوية ما ادري انتي عرفتية هذا الستودع هل هو يبعد عن مجمع سترة ولا قريب منة ولا اقرب ؟وهل هو مجمع خاص بماكس بس ولا فية محلات ثانية وهل فية مكان للصلاة ومطاعم؟ واسفة على الاطالة

ارجو الافادة منكم يابنات البحرين.




مع محبتي.

هلا اختي

بالنسبه حق ستره اهي مو بعيده وايد عن المنامه مثل ما قلتي ربع الى نص ساعه بس المشكله بالزحمه يمكن تطول المده ويمكن تقصر

المجمع موقعه سهل جداً دام انكم رايحين ستره من قبل المجمع مكان يصير بعد جسر ستره بالضبط من بعد ما تنزلون من الجسر يصير المجمع على يمينكم جنب معرض السيارات اعتقد التويوتا اذا ماكنت غلطانه

الصراحه ما اقدر افيدج اكثر لأن انا مارحت المجمع بس ناويه اروح له خلال هاليومين والي اسمع من البنات ان فيه محلات اغلبها لملابس الأطفال وفيه اسواق كبيره اسمها لامارش ومادري اذا فيه محل العاب ومطاعم ومصلى


ان شاء الله باقي البنات يردون على باقي استفساراتج :26: