طيب يا بنات انتوا عافين ان عندي بنتين اربع سنين و سنتين و الحمد لله انا اعتبر نفسي ام متفهمه جدااا و غير عصبيه بالمره و الله بجد مش باشكر في نفسي و باحل المواضيع بهدؤ
انا بدات دراستي من 6 شهور فقط و بناتي دخلوا الحضانه و مبسوطييييييييييين جداا لان النظام هنا اكتر من رائع لدرجه ان بنتي ممكن تعيط لو مرحتش في يوم و دلوقتي هي اتعودت علي الحضانه و بتتكلم ياياني و عندها اصحاااب كتيير و بيجوا عندنا البيت حتي في الويك اند
و هي كانت قبل كده فيها عاده انها تزن جاااامد لو عايزه حاجه او قلتلها لاء علي حاجه و قلت انها هتخلص لما تتم 3 سنيين بس المشكله انها بتزن كتييييير و لا تسمع الكلام و ارجوكوا متقولوش ان ده عادي عند الاطفال لاني باتلكم انها مش بتسمع الكلام من 5 مره مثلا اقولها بس يا حبيبتي مثلا علشان دادي نايم بس يا دودو علشان كذا طيب سيبي دي و تعالي نلعب كذا و و متسكتش غير في المره الخامسه مثلا لما خلاص ابقي تعبت
هيحاليا مخها كبير و بتستخدم النت و بنخرجهم كل سبت و احد لمكان العاب مختلف و الله العظيم بالعب معاهم يوميا و نقرا قصص و كل اللي نفسكم فيه علشان كده هتجنن انا بافكر ان الاطفال اللي مش محروميين من اي حاجه بيبقوا satisfied
يبقي فين المشكله؟
باعامل اختها زيها بالظبط لاني عارفه تاثير الغيره
جربت عقاب الحرمان من اللعب او انها تقعد لوحدها في كورنر و لا اي فايده تعيط جدااا و تقولي خلاص يا مامي مش هاعمل كده تاني و في ثواني ترجع تاني
تعبت
ياربتلاقوا معايا حل
المضيفة المصرية *5 اتفضلى اشربى شاى وخديلك 
متابعة النقاش، صفحة 2