السلام عليكم ورحمة الله
اخواتي الغاليات انا جديده بالمنتدى مع اني كثير ادخل واتصفح وحابه تفاعلكم واخوتكم
اقولكم حيرتي اللي الله لايحط احد بمكاني
انا يتيمه ومطلقه زواج ماكمل ٧شهور وتطلقت ظلم وبدون سبب واكيد خيره من ربي والحمدلله راضيه ومبسوطه
تطلقت وانا حامل وجبت بنت عمرها الآن ٤سنوات ابوها ماعمره شافها ولويمر بجنبها بالشارع ماعرفها
لكن للامانه يرسلها مصروف كل نهاية شهر
انا من تطلقت وجبت بنتي انخطب وانا ارفض عشان هالبنت وخايفه اتزوج وابوهل ياخذها مني
والحين كثر الضغط علي من اخواتي خصوصا انه تقدم لي شخص متدين ومناسب لعمري وقريب لي وموافق طبعا ان بنتي تعيش معي
انا ماعندي استعداد افرط ببنتي مهما كان الثمن ولو كتب الله وتزوجت وحسيت بسوء معامله لبنتي ماعندي مشكله لاتطلق ولاتنهان بنتي اوتعيش بعيده عني
المهم اني رفضت قريبي كذا مره ويرجع يخطب وخواتي يقولون بنتك ابوها مايبيها ولاراح ياخذها وينه عنها كل هالسنين
طبعا ابوها مطلق ثنتين قبلي ومعه منهن اطفال وساكن بنفس المدينه اللي ساكنه فيها ولاعمره زار بنته وشافها
وقريبي اللي خطبني ساكن بنفس مدينتي
فكرت ارسل لطليقي واخذ الامان قبل اجازف بحياة بنتي وسعادتها
واقوله اذا انا تزوجت تخلي بنتي معي واشوف حياتي وهي معي ولا تفكر تاخذها عشان انا مستحيل اتزوج واتخلى عنها
طبعا ابوها للحين ماتزوج وانا مستحيييل ارجع له ولاافكر ارجع له ابدا بس نفسي اخذ قرار وانا متطمنه
شرايكم ياخواتي ارسله واتطمن ولاارفض واسخر حياتي لهالبنت انا عشت طفوله بدون ام وماودي بنتي تعيشها 💔
شاركي في النقاش
سجلي الدخول لإضافة تعليق.
التعليقات
19- عادي تزوجي الله يوفقك.. وبنتك استودعيها الله وخليها معك ولا تسمحين لابوها ياخذها الا زياره إذا بيزورها أو ياخذها يوم ويرجعها تزوره حلو..
- وعليكم السلام ورحمة الله وبركاته
مالك داعي تروحين تكلمين طليقك وتاخذين رايه في زواجك
كذا حتى لو هو مو داري عنك تفتحين عينه عليك وتقحمينه في حياتك الشخصيه وتسمحين له يتحكم فيك
انتبهي الله يسعدك لا تكلمينه ولا تعطينه خبر
وحسب كلامك تقولين هو مطلق قبلك وعنده عيال طيب مع مين عايشين عياله ؟
اكيد هو ماراح يجلس يتفرغ لهم ويربيهم اذا اساساً مو سائل عنهم ولا حتى فكر يشوفهم
ونصيحه اخيره لا تكرهين البنت في ابوها وتبعدينها عنه تحت أي ظرف من الظروف ومهما كان بينكم من مشاكل وطلاق البنت لازم تشوف ابوها ويشوفها لو مره بالشهر عشان ماتلومك وتعيش فاقده حنان وتشوف كل الناس عندهم اباء الا هي
عليك بالاستخاره قبل اتخاذ اي قرار - الله يوفقك ويكتب لك الخير ويعوضك
انتبهي انتبهي ايااااك ترسلين لطليقك
تزوجي والبنت معاك ان شاء الله بحكم القانون بما ان زوجك راضي - الله يعطيكم العافيه الاخوات اللي ردوا علي
ووالاخت اللي سألت عن وضع اطفاله الاولين مع امهاتهم طبعا مو معه بس هم اولاد كلهم انا خايفه لانها بنت من اتزوج ياخذها ويحرمني منها والاخت اللي تقولي لاتدخلينها بمشاكلكم ولاتكرهينها بابوها
والله اني عارفه قد ايش حاجة البنت لابوها هو سندها وعزها واني ادعي دايم ان الله يسخر قلبه لها حتى مصروفها اعطيها واقول هذا من بابا وازعل اذا احد تكلم عنه قدامها ابيها بفطرتها وتحب ابوها واهل ابوها بفطرتها بدون تأثير احد بس الشكوى لله اذا قلب الاب ميت من ناحية بنته والله يعوضها خير ويحننه عليها بالايام الجايه بدون ماينزعها مني - تزوجي وتوكلي ع الله
مواضيع مشابهة
تابعي تجارب أخرى من هذا القسم.