تباشير الخير الثالث23والعشرون لمواليد مارس(3)&(4)ابريل 💗💙2020

أم رائد ومشاري الف الف مبروك ماجبتي والحمدلله على سلامتك ❤️
الغدق وكل الحوامل هنا 🥺❤️
يارب ياكريم ياحي ياقيوم يسهل عليكم ولادتكم ويحعلها بردا وسلاما عليكم .
باذن الله تبشرونا قريب بسلامتكم وتفرح قلوبكم جميعا .
اللي طوفت لاتخاف ولاتشيل هم الطلق الصناعي باذن الله بتتيسر وبيفرجها رب العباد .
انا ولادتي هذي كانت بطلق صناعي 😭💔
ابكتب لكم الاكشن برد ثاني 😢💔❤️

الله يسلمك ويسعدك 😘

الله يسلمك ويحفظها لك

النور نورك،😍
الله يبارك فيك

اكشن ولادتي 🤱💕
الحمدلله مليون مره على نعمة الفرج والخلاص وعلى كل شيء 😭❤️
يوم الجمعة زلقت بالحمام الله يعزكم وكانت الطيحه على رجلي وبعدها بديت احس بتحجر شديد والم في ارحامي 💔😭
تحملت والحمدلله خف وحسيت ينزل مني مويه خفيف ومارحت طبعا .
يوم جاء ليلة الأحد قررت اروح الصباح للمستشفى اللي بولد فيه اكشف واشوف وضعي الحركة خفت وكثرت الافرازات 💔😭 وزوجي كان رافض يقول ماتروحين لين يكب مويه كثير مثل حملي بنتي ~>مازال يذكر الموقف😂
المهم يوم الاحد صليت الفجر والحمدلله وضعي تمام والالام اختفت وكل شيء بالسليم ..
جت الساعه ست الصباح حسيت بشيء يضايقني من تحت كانه دفع واقوم من سريري وعلى طول تنكب المويه وكانت كثيره مره 💔😭😭
وعلى طول ابدل واغير وطيران للطوارىء وكان فاضي المستشفى وادخل على طول وتفحصني الدكتوره فاتح الرحم ثلاثه الحمدلله ويرقوني لغرفة الولادة ..
ومن الساعه ست الصباح لين عشر وانا بغرفة الولادة والطلق جدا بارد ومتباعد بس كان الالم كله بالظهر ورفضوا اني اقوم من السرير عشان المويه ماتقل 🥺❤️
على الساعه 11 جاء دكتور وشاف بالسونار المويه ووضع الجنين وطلب يعطوني مضاد وطلق صناعي بالوريد يقول يمكن يحدث التهاب بالكيس ومن هالكلام 💔😢 عطوني الطلق والحمدلله كان نعمة سرع فتح الرحم بس الالم للأمانه متعب احس اغلب طلقي كان بالظهر 💔😭مررررره الم بس كله بأجره باذن الله
وعلى الساعه وحده ونص حسيت بشيء يدفع وماقدرت اتحمل 💔😭واصارخ اناديهم ويجون يحطوني على عربيه رفعوا ضغطي مااقدر اوقف ، علشان ينقلوني لسرير الولادة ..
وللأمانه لما دخلت ذيك الغرفه فجاءه برد الطلق وتعبت وقت الدفع مره وطولت شوي والحمدلله شرفت بنوتي بعد تعب
ورحمة من رب العباد على الساعه 2😭❤️


الحمدلله والشكر لك ياارب 😭😭😭😭❤️