الحقن المجهري في رمضان - شيرو علي

السلام عليكم

انا متزوجه لي 5 سنوات
زوجي عنده مشكلة بالتشوهات 100% والحمد لله يارب وأملي بربي كبير <3


سويت اول مره بحياتي حقن مجهري عند الدكتورة الجوهرة المطوع وما تم حمل
هالمره ابي اعيده بس بيصير برمضان رحت لها موعد امس قالت لي بيكون بالصباح وعينة الزوج ياخذونها قبل بيوم بالمساء واهم شي ماتمر عليها 24 ساعة
وانا قريت من اول ان افضل ما يمر عليها ساعة بس هي تقول لا يحطونها بمختبر او شي زي كذا يحفظها لما اجيهم الصباح
وللأمانه قالت ان نسب نجاح العمليات برمضان تقل , بس فيه نجاح عمليات نجحت ..


انا ودي اسوي هذي الفترة بما انها فترة حجر ومافيه دوامات لان دوامي صعب وطويل وبنفس الوقت كلامها خوفني


شرايكم اتوكل على الله واسويها ولا ااجلها لشهر 10 محتارة والله أخاف تكون رجعت الدوامات

14 تعليق 1,695 مشاهدة

شاركي في النقاش

سجلي الدخول لإضافة تعليق.

التعليقات

14
  1. @saaad_alhbybh

    استخيري اولا
    استشيري أمك ثانيًا
    توكلي على الله وربي راح يسخر لك الوقت المناسب
    وعليك بسورة البقره فانها شفاء وراحه وطمانينه


    وكوني على يقين تاااااام ان اقدار الله لنا هي الخير لنا حتى لو سخطنا ولكن في طيات الغيب خيرٌ خفي


    واسال الله العظيم رب العرش العظيم ان يرزقك الذرية الصالحة المعافاة
    ويفرح قلبك ويشرح صدرك للخير
  2. @nor_alshms83

    استخيري أولًا
    ثانيا ممكن تجمدوا عينة الزوج من الان احتياطًا لو سار شي في عينة يوم السحب
    توكلي على الله واستخيري
    الله يكتب لك الخير ويرزقك بنجاح العملية والذرية الصالحة
  3. @sela17

    استخيري وتوكلي على الله وسويها بالنسبه لي العلاج في الفتره ذي للحمل فرصه تبعدين عن الناس والطلعه والدخله محد بفقدك 😅
    لو اقدر اسوي انابيب هالفتره سويت بس شوي صعبه مواعيده كثيره واوقات الحظر ماتسمح بالتنقلات
  4. @sma_alord_2

    استخيري وفعلا فرصة مدام ماعندك التزامات
    انا لاسف سويتها مرتين برمضان ومانجحت طبعا انا مثلك استغل الاجازات. لكن اذكر كثير سووها برمضان ونجحت معهم

تابعي تجارب أخرى من هذا القسم.