الله يكون بعونك وييسر لك
ارحمي نفسك ولا تثقلين عليها الشغل مايخلص
ما أقولك خلي بيتك وصخ، بس معقولة من يوم تصحي لين تنامي وانتي تشتغلي!! لولدك وزوجك عليك حق ولجسمك ونفسك عليك حق
هالولد المسكين ماعنده أحد يلعب معه ويبغا يلعب مع أمه وكثرة الجوال في سنه مضرة، ماعندك حل إلا إنك أول شي تشوفي ايش شغلك بالضبط يعني ايش هي الأشغال اليومية [طبخ غداء وتجهيز الفطور والعشا، تنظيف المطبخ وغرفة الجلوس، المجالس إذا ماحد دخلها ماتحتاج تنظيف والحمامات إذا ماحد استخدمها ما تحتاج تنظيف] طيب ايش الأشغال الأسبوعية [غسيل الملابس وتطبيقها، تمسيح الغبار، غسيل الممرات والأرضيات] إذا كتبتي كذا راح تشوفي ايش الشغل الضروري والمهم وايش الشغل اللي قاعد يستنزفك ويتعبك وهو ماهو بذيك الأهمية، إذا سويتي هالخطوة كلمي زوجك بهدوء واطلبي منه يساعدك إما إنه يمسك عنك الولد ويلعبه هو، أو إنه يمسك وجبة العشاء هو اللي يجهزها، أو على الأقل يهتم بأغراضه ويحرص إنه ما يقربع أو يوصخ وإذا وصخ شي ينظفه
وانتي تقولي مسوية جدول بس الأشغال تطلع، أي شغلة ماهي بالجدول لا تسوينها، يعني لو مثلاً الستارة تحتاج غسيل اكتبيها في الجدول ليوم ثاني ماهو لازم تخلصي كل الشغل بيوم واحد، قسمي يومك مثلاً عدد ساعات التنظيف ماتزيد عن ثلاث ساعات (وحتى الثلاث كثير) والطبخ مايزيد عن ساعتين، ولازم يومياً تجلسي تروقي وتشربي قهوتك، عمر الإنسان يخلص والشغل ما يخلص
صدقيني صدقيني صدقيني إنه يمديك تشربي قهوتك وتتفرجي فلم وتلعبي مع ولدك وتبخري البيت وتقعدي في جلسة حلوة مع زوجك بس لازم تشوفي وش الغلط اللي قاعدة تسوينه ووصلك لهذا الوضع
ولا تنسي الاستغفار ووصية الرسول لابنته
يعلم الله اني خلاااااااص انهلكت هلاااااك مو طبيعي
متابعة النقاش، صفحة 3