تجمع المتفائلات بالحمل لـشهَر 9 & 10 لعـام 1441هـ 💛🌿.

مستحيل مايهمهم بس يحبون يكونون اقوياء ويبينون انه ماهمنا
الله يسخره لك يارب وانتي حاولي معاه شوفي وش يفيد معاه اسلوب الظغط والتطنيش
او الكلام بهدوء
او التدليع والله ان في رجال يبغاك تدلعينه زي الطفل تعاملينه الله يعينا عليهم بس😂

اللهم أمين

ايوة كل رجل و طريقة التعامل معه للوصول إلى قلبه

موضوع مهم❤️قرأته واحببت الفائدة للكل
كثير بنات يستفسرون عن خلطات او أطباء او أماكن تساعدهم على الإنجاب وناسين اهم نقطة ان العلاج بالسماء العلاج عند رب العالمين وكل هالعلاجات والمراجعات والفحوصات ولا شيء لو ما جا الأمر من فوق والحل بسيط جداً عشان تتوقع ورقتك وينزل الأمر
الحل : الثقة التامة بأن العلاج والأمر من عند الله وان الحل مو بيد أي احد ثاني
بر الوالدين ، عشان تتجازين على بر والدينك تذكرون قصة الثلاثة اللي احتموا بالغار وطبقت صخرة على باب الغار وقام كل واحد منهم يذكر عمل صالح عشان تنزاح عنهم الكربة وتنزاح عنهم الصخرة وبدأ كل واحد يذكر كل عمل صالح عمله وفي منهم واحد بار بوالديه وقال يارب " فإن كنت تعلم اني فعلت ذلك من خشيتك ففرج عنا "وفعلاً انزاحت عنهم الصخرة لغاية ماشافوا السماء
قصة نبي الله زكريا وش سوى زكريا عليه السلام اعتزل الناس جميعاً وقضى ثلاث ايّام في ذكر وتسبيح واستغفار لحد ماجائت البشرى من الله غلام اسمه يحيى ، رزق الابناء ابداً مو صعب " قال كذلك قال ربك هو علي هين وقد خلقتك من قبل ولم تكُ شيئاً " شيء هين على الله فقط المطلوب ذكر وتسبيح بس
صلاة الحاجة صلي ركعتين من غير فريضة ادعي واستنجدي واطلبي مو لازم صيغة معينة للدعاء كلميه كأنك تكلمين احد تثقين فيه ولله المثل الأعلى واظهري الضعف والتذلل للخالق عزوجل وبيني له أمنيتك بطفل قولي يارب غريزة الأمومة انت زرعتها فيني وكلي شوق ولهفة أكون أم يارب لا تردني خائبة وانا على بابك اسجدي واطلبي وهذه اقرب وقت وانتي بالصلاة تكون فيها الدعاء مستجاب تكلمي مع الارض لتصعد دعواتك الى السماء بلا واسطة
ابكي وابكي وابكي لحد مايرتاح قلبك والله يابنات راح تحسون براحة وثقة شعور غريب مثل لما تعرضين مشكلتك على احد ويقول خلاص انتهى واعتبري الموضوع منتهي "ولله المثل الأعلى " وقتها تحسين انه خلاص اخذتي اللي تبينه وتحققت رغبتك فما بالك مع رب العالمين
دعاء الصائم صومي وادعي قولي يارب أكرمني بالذرية الصالحة وقبل ماتفطرين ادعي واذكري حاجتك اللهم لك صمت وبك أمنت وعلى رزقك افطرت ربي ادعوك قبل فرحتي بفطوري ترزقني الذرية الصالحة وطبعاً صاحبة الموضوع تقول هالكلام بلسانها ( وعن تجربة يابنات والله ماخلص رمضان الا وطلبي تحقق وأمنيتي تمت )
اكفلي يتيم حطي شعور انه انتي عندك طفل تراعينه وتجهزينه اذا صارت مناسبة الشعور هذا بروحه ممكن يعطيك احساس حلو ( اعرف وحدة الله ماكتب لها اطفال حبت تشغل نفسها قامت وفتحت حضانة وصارت تهتم بالأطفال وتراعيهم تخيلوا ما تمت سنة الا ولدها بحضنها
تحري أوقات الاستجابة قبل أذان الفجر بساعة وعن تجربة يابنات صلي لو ركعتين بس ادعي استغلي هالفترة الحين لا دوامات ولا شيء يعني ماراح تتكلفين بشيء صلي ركعتين قبل أذان الفجر واطلبي كل اللي بقلبك
شفتوا الموضوع وشلون سهل وسهل جداً انتي لما تتقربين لله شبر تقرب اليك ذراع سبحانك ربي يعني ربي متهيئ للتقرب منك اكثر منك تخيلي
بعد ماتستمرين على هذا العلاج بتشوفين العجب وبتصير بقلبك ثقة وراحة وبعدها اسعي وروحي تابعي مع الاطبة وسوي فحوصات لانهم سبب بعد إرادة الله وقدرته بتحقيق أمنيتك ويعالجون الخلل ويوصفون الدواء المناسب

يارب الكل يستفيد من الموضوع ويقرأه ودعواتكم لي ربي يجبر قلبي ع فقد أطفالي ويعوضني خير والحمد لله من قبل ومن بعد❤️ودعواتي لكم بكل وقت وخاصة وقت الإفطار الله يفرح قلوبكم بهالشهر فرحة تنسيكم التعب