شاركي في النقاش

سجلي الدخول لإضافة تعليق.

التعليقات

32
  1. وانت بخير ومبارك عليك الشهر
    عني من ثالث يوم قلت بسوي نفس وجبة الغدا
    ازيد شوربه ( سهله ما تتعب ) وسمبوسه (( اسوي ٨ حبات بالرقاق الجاهز)
    فشغلي مو كثير بالمطبخ
    والله جهد وتعب و ما بنجيب شيء من بره فنحمد الله على النعمه وهو اكل وخلاص
    وشغل البيت بصراحه مو ملحقه الي اقدر عليه الحمدلله والي ما اقدر الله يعين
    انا شايله هم الكوي زوجي يداوم ورايا بدل العمل مدري ايش كثرها وثياب لانه يخرج يقضي بالثوب من يوم دخل رمضان ما كويت .. اصلاً كنت ارسل الملابس للمكوجي من يوم كورونا وانا الي اكوي فلازم يصير تقصير
    انت مو اله ادميه خففي عن نفسك و تفاهمي مع زوجك انه يتقبل التقصير بالذات الدنيا رمضان و جهد الطبخ مع الصيام ودوشة الصغار .. اذا ما قدرك بدي الايام متى يقدرك
  2. @yaryn

    هههههههههههههههههههههههه توني داخله للمنتدى بكتب موضوع وقتي مافيه بركه بذات هذا الرمضان الوقتتت جدا سريع وربي تعبببت الشغل ماينتهي حتى مايمديني انظف البيت
    فكرت بالمواعين البلاستيك والقصادير للأكل الحاار
    لأن المواعييين هي العله اللي تاخذ كل الوقت
    بس أسألك متى يبدأ يومك
    ممكن انتي مثلي انا أبدا اشتغل الساعه3 العصر
  3. @mb_aaarf

    انا عندي شغاله بس انا اللي اطبخ وما احب اكون طول يومي في المطبخ وزوجي مثل ماقلتي يحب تكون وجبة دسمه مثل الكبسه فاسويها مع الفطول وقبل السحور اولع عليها النار شمعه مره تسخن براحتها


    وهاذي بعض الاشياء اللي كنت اسويها لما كانت الشغاله مسافره
    اول شي افرش سفرة ع الرخامه فالمطبخ اقطع وكل شي عليها وبعدين المها وارميها اذا سويت حشوه للمكرونه باشميل ازود اخليها تكفي لثلاث مرات واخلي الباقي فالفريزر
    اذا قطعت سلطه اسوي ليومين تحطينها بحافضه بلاستيك بدون تتبيله تكون فريش
    الحلا سوي الحلا البارد اللي يكفي يومين او 3
    وانتي فالمطبخ قللي قدر الامكان فاستخدام المواعين واذا بتسوين شي فالفرن استخدمي صواني القصدير اللي تنرمي
    طبعا البهارات مثلا للكبسه اخلطيها كلها في برطمان واحد عشان لو بغيتي تسوين شي ماتحوسين وتطلعين كل البهارات
    اذا عندج فود بروسيسر قطعي كل شي فيها
    وانتي تطبخين اي شي تستخدمينه اغسليه وحطي في بالج قبل لا تحطين الفطور المطبخ يكون نظيف مايكون عندج الا مواعين الفطور
    سيلي السفره وع طول اغسليها ما اظن بتكون اكثر من 5 او 6 صحون مع 4 ملاعق اجلسي وريحي وصلي ع راحتج
    قبل السحور ولعي ع الكبسه اللي بتكوني محضرتها مع الفطور وارجعي ريحي ولا اقري قرآن او نظفي شي بالبيت
  4. يارين
    هههههههههههههههههههههههه توني داخله للمنتدى بكتب موضوع وقتي مافيه بركه بذات هذا الرمضان الوقتتت جدا سريع وربي تعبببت الشغل ماينتهي حتى مايمديني انظف البيت فكرت بالمواعين البلاستيك والقصادير للأكل الحاار لأن المواعييين هي العله اللي تاخذ …
    ليش ما تفكروا في غسالة النحاس
    احط حتى القدور من غير ما افركها بسلك نحاس اغلب الناس يفركوها .. لما يخلص اخرج القدور القها نظفت واحياناً تحتاج لفرك بسيط جداً حتى باسفنجة نحاس بس امررها تمرير على البقع والقدر نظف

تابعي تجارب أخرى من هذا القسم.