اللي مارسو رياضة بعد الولادة.............ارجوكم ساعدوني

السلام عليكم ورحمة الله وبركاته

بنات اللي جربت تلعب رياضة او تمارس تمارين بعد الولادة
ارجوكم ابي اعرف شنهو الاحسن
ايروبكس ام الاجهزة
لاني سمعت ان الايروبكس يمتن اكثر

و اذا خذيت الايروبكس والاجهزه مع بعض هل احسن

انا والده طبيعي (ولله الحمد) صار لي 6 شهور
جسمي كله رجع مثل الاول ما عدا بطني ، كاني في الشهر الخامس

ارجو ان استفيد من تجاربكم لاني ان شاء الله هذا الشهر ابي اسجل بس مو عارفة في شنهو

18 تعليق 3,026 مشاهدة

شاركي في النقاش

سجلي الدخول لإضافة تعليق.

التعليقات

17
  1. @bhr_alkhoatr

    خذي الايروبيك والأجهزه..

    بالعكس الأيروبيك وايد بينزل من جسمج ووزنج.. والأجهزه بتقوي عضلاتج وبتشد جسمج.. والسباحه بعد اوووكي.. :)
    بس انتي من وين..؟ لو كنتي من الإمارات في نادي اوووووكي في ام القيوين لكل هالأشياء.. بعد ايسوولج آيروبيك مائي :)
  2. صاحبة الموضوع
    السلام عليكم
    الاخت (انا وياكم) مشكورة اختي على النصيحة بس احس لان صدري ثقيل من الرضاعة فما اقدر اقفز مثل ما قلتي بس بجرب وباشوف وجزاك الله الف خير

    الاخت (بحر الخواطر)انا من البحرين وسمعت ان السباحة وايد زينة بس انطر الصيف وان شاء الله بسجل للسباحة، ومثل ما قلتي الشهر القادم ان شاء الله اسجل للايروبك والاجهزه ونشوف النتيجة ومشكورة على النصيحة وجزاك الله الف خير

    الاخت (لجونة المجنونة) مشكورة عمري على الرفع وجزاك الله الف خير

    70 وحدة دخلو على الموضوع وبس 2 اللي عندهم فكرة عن الرياضة ، بنات انتو رشيقات والا ما تمارسون رياضه شالسالفة ابي اعرف
  3. @uae_doll

    انا والده من 3 اشهر بس و الحمدالله توني بديت ارجع لطبيعة جسمي قبل الحمل,نصيحه ابتعدي عن الايروبك على الاقل سنه.. لانها رياضه عنيفه و متعبه وتحتاج لياقه عاليه,واذا مارستيها بطريقه عشوائيه و ما كانت المدربه خبيره راح تسببلج الم في المفاصل.اللي مربي من قريب جسمها يكون تعبان من الحمل.وحده من اهلى سببلها الم في الظهر لا يطاق و من يومها وهي تعبانه.
    المشي ثم المشي ثم المشي ..والله ماشي نزل وزني و شد جسمي بعد الحمل الاول مثل المشي.. و من بديت امشي حاليا جسمي اتعدل وايد مع اني مسويه رجيم على الخفيف و ما ارضع لظروف قهريه.
    وبخصوص البطن التمارين السويديه و تمارين النحت افضل شي..اذا حابه ابعثلج مواقع ممتازه للرياضه انا حاظره و في الخدمه اختي..
    وعلى فكره من قريب قريت ان النشويات اذا اكلتيها على العشا وخص اللي تدخل فيها الخميره تسبب تكدس الشحوم في منطقة البطن ..كوب لبن و فواكه او سلطه على الليل خفيف و كافي :)
    وبالتوفيق انشاء الله.
  4. @dyna_tamr

    UAE-Doll
    انا والده من 3 اشهر بس و الحمدالله توني بديت ارجع لطبيعة جسمي قبل الحمل,نصيحه ابتعدي عن الايروبك على الاقل سنه.. لانها رياضه عنيفه و متعبه وتحتاج لياقه عاليه,واذا مارستيها بطريقه عشوائيه و ما كانت المدربه خبيره راح تسببلج الم في المفاصل.ال…
    اختى uae _ doll ممكن ترسلى لى مواقع التمارين وجزاااكى الله كل خير :) :)

تابعي تجارب أخرى من هذا القسم.