ا لتجمع (١٤٩)للمقبلات على التلقيح الصناعي والحقن المجهري ​

بنات مساء الخير افطارا شهيا 😋❤️ بسأل الحين اللي يوصل الهرموني عندها الى 77.6 هل فيه حمل وكيس وجنين او لا مو شرط ؟؟؟ صدق صدق جاوبو من خلال خبرتكم

والله غريبه ثنتين مع بعض
اول مره اشوف احد يصرف ثنتين مع بعض
لكن لكل دكتور سياسته وطريقته بالعلاج
انا المره هذي انا قلت للدكتور عطني ابر مثبته والا هو بس كتب لي تحاميل وقلت يكفي كذا

الله يتمم لك على خير

بخير ونعمه الحمدلله
قلت لي تعالي بعد شهر وخليك على الفوليك والاسبرين والتحاميل
اي مالي علاقه بذريه اخر علمي فيهم بالتحليل الرقمي علمتهم بس
لا تشيلي هم ولاشي توكلي على الله اللي رزقك فيهم وهو اللي يبي يحفظهم استودعي الله مافي رحمك صباح ومساء واقري الفاتحه واية الكرسي عليهم هذا اللي يبي ينفعك اما قلق وتوتر كله بس يجيب الهم تعودي لا تقلقين عودي نفسك بالغصب علشان نفسك وراحتك وهدوءك
كل شي مكتوب لنا وحنا نفعل الاسباب اللي نقدر عليه اما قلق وتوتر وتحسيب ما راح يفيدنا
عادي تقدرين تتابعين عند اي احد شاطر وفاهم سوا كان واحد او اثنين ما يفرق الا بمسألة الربط وانا انصحك سوي ربط اذا كانو اثنين
المتابعه زي بعض كلها تحاليل واشعه وبس ما يفرق ابداا
اهم شي انتي اهتمي بصحتك واكلك وقللي النشوي والمقلي والحلى وركزي على الالبان والبيض والخضار والفواكه والعصير الطازج والورقيات والسلطه وان شاءالله تصير صحتك ممتازه وخفيفه
طول الحمل وما تسمنين وتخربين جسمك
الاشعه شوفي لك وحده نفسيتها زينه علشان تتفرجين زين وتوريك صورهم على رواقه اما اللي نفسيتها شينه ما تتكلم ولا تقولين واذا سألتها قالت كلام دكتوره 😂😂😂😂
اسألي مسؤلة الاشعه قولي ابي وحده زينه وخوذي صوره عندك للذكرى
الله يفرح قلبك بسماع النبض ويقر عيونكم بسلامتهم وصلاحهم وجميع عيال المسلمين ياكريم
والجفاف بعض الحريم من تحمل يبدا الجفاف معها ماله علاقه العلاجات انا ما يجف جسمي بس احاول قبل النوم اني امسح عليه بكريم بيدريم ممتاز ترطيبه عااالي

اللحين ما راح يبين ايدا
انا رحت بالاسبوع الخامس وكم يوم ويالله شافته نقطه قالت تعالي بعد اسبوعين
انتي اصبري لين الاسبوع السادس بإذن الله افضل