🕊التجمع "38" لمواليد "سبتمبر &كتوبر" لعام 2020🕊

عادي😃

اختي جهزت بنت وبعدين جهزت ولد
ملابس وزعتها والبجايم لبسته هيا
وقلنالها لمن تجين عند امي لبسيه بجايمه الورديه عشان يشوقنا عالبوسه هوا ابيض و خدووووود و وردي كمان قابل للاكل😂😋
وصارت تلبسه البجايم الوردي والي مايتلبس صرفته
والامور طيبه 😃

شفي هو الصعب التوزيعات بناتي قبل ناسويت توزيعات كنت بشقه ومافيه مجال واطفال يجون زيارات ويسوون الهوايل احط شوكلاته لون معين وحلى قهوة وخلاص
هالمره ممكن اجهز عندي مجال ببيتي الجديد وصارو الان ماعد يجيبون اطفال الغالب بس برضه ممكن احط بيج ههههههه اخاف احط لون ويطلع العكس
خصوصا التوزيعات مبلغ صعب تغيرينها بعدين ولو حجر مافيه شي هههههه

يارب خير يالحن مدري ليش هالايام افكر كثير بتجارب الحريم الي خسرو واحد من اجنتهم وتوقف نموهم خايفه بالذات اغلبهم بالشهر الخامس او السادس
على قد ما انا فرحانه اني داخله الخامس بس فيني خوووف يبكيني ولا اخلي حد يحس بي يمكن الترجيع قلب مع النفسيه حتى النوم ماانام تمام
ومشكلتي كم يوم واخلص ابر السيوله اللي عندي وموعدي مع الدكتوره بعد العيد افكر اروح قبل عشان اخذ كميه جديده من الابر ان شاءالله
سامحوني دخلتكم بجو كآبه وهم
استاذنكم كم يوم وارجع ان شاءالله اكون احسن واقوى يارب
ادعولي بس نفسيتي تهدأ واقدر ارجع اتفائل مثل قبل يارب
استودعتكم الله الذي لا تضيع ودائعه⁦🤲🏻⁩

انا ما اجهز استقبال الا لمن احدد يوم اللمه في بيتي وبيت امي و بيت الوالد
حتى الاسم مانكون اتفقنا عليه😅
و في المستشفى محد يلحق يجي والي يجو مو حق اني اسوي استقبال يوم واشيله 🤔

لا الحمدلله انا اخر سونار ٢٢ اسبوع