هلا والله وغلا بالنوتات الحلوات
ما بطول عليكم
انا بشره جسمي جافه جدا جدا
ويبين عليها بوجود قشور بيضا من شده الجفاف وتحسين متجعده شوي
وانا طبعا يوم لاحظت بديت احط لوشن واحاول اكثر من شرب الماي
بس ما تطلع النتايج الا يوم احط اللوشن يعني اول ما اغسل اللوشن يرجع جسمي على حالته الجديمه
والمشكله انه اللوشن ريحته قويه وانا ما احب احطه يتلصق اف لبسي ولا يطلع ريحه قويه
جربت نوعين واحد من جونسن اند جونسن والثاني من ماركس اند سبنسر
ونفس النتيجه ما احب ريحته
فقولولي شو الحل
استخدم سكرب مرتين في الاسبوع
افيدوني اذا حد يعرفلي حل غير السكرب او اللوشن تراني تعبت واخاف اعجز من الحين
:30:
شاركي في النقاش
سجلي الدخول لإضافة تعليق.
التعليقات
16- يا حبيبتي أنا كان عندي نفس المشكلة السبب هو إهمالي...بس خليني اقولك وش سويت
احنا بسبب الجفاف الشديد الكريمات و اللوشن العادي من حاله ما يصلحلنا..يعني لازم تزيدين نسبة الزيوت فيه...أنا حطيت كريم و أضفت عليه فنجان زيت زيتون و ماء ورد..و النتيجة كانت ممتازة...يفضل الترطيب لفترة اطول....جربي و قوليلي النتيجة:42:
سلامي:) :30: - لالين ممكن سؤال حبيبتي...
وش نوع الكريم الي حطيتيه؟؟؟
انا بعد بشرتي جــــــــافه كثير
واستعملت زيت جليسوليد مع ليمون وما حسيت انه تغير - سبحان الله كنت داخله اكتب عن نفس الموضوع
انا ماكانت جافه لكن بعد ماانتقلت لمدينه ثانيه
ولتغير المويه بشرة جسمي راحت فيها
اتمنى القى الحل الفتاك - أختي خذي زيت اللوز المر (من الصيدلية ماركة وادي النحل )
وأخلطي معاة قارورة كاملة من الجلسرين السائل الشفاف
ودهني بية جسمك وإن شاء الله تشوفين نتيجة حلوة - انا عندي الحل
حبيبتي تعرفين الصبار تاخذين اوراقه وتطلعين منها الماده اللزجه وتخلطينها مع جليسوليد الاحمر
وتدهنين فيها جسمك وان شاء الله تشوفين نتيجه حلوه
انا قريبتي كان عندها جفاف في يدينها وجلد ميت استخدمت هالخلطه وراح الجفاف وخف الجلد الميت
بس للامانه اذا تركتيه ترجع بشرتك زي اول
اتمنى اني افدتك
مواضيع مشابهة
تابعي تجارب أخرى من هذا القسم.