طفلي قليل الكلام

مشكلته الاولى الجوال ابعديه عنه نهائي وجيبي له العاب حركيه تعليميه موجوده بالمكتبات او طلبيه عن طريق المواقع
مشكلته الثانيه انتي ماتتكلمي معه لازم تتكلمي معه دايم كانك تتكلمين مع واحد كبير وتشاركينه بالعابه مع التعريف باسم اللعبه وطريقة تركيبها
وحاولي تخلينه يختلط باطفال دايم

الحل الوحيد اقطعي عنه الجوال والتلفزيون نهائي ..
حتى وإن بكى وبكى وبكى .. قوي قلبك وتحملي وسترين الفرق بعد أسبوع من قطعها ..
احدثك من خلال تجارب .. استعيني بالله ..

ياجماعة تكفون تردون علي بنتي عليها تصرفات غريبه ماكنت ملاحظتها بس عمي ابو زوجي قالي بنتك احتمال فيها توحد وانا انصدكت لانه بنتي كانت طبيعية كانت تناظرني وتناغي وجلست وحبت ومشت بدون تأخير وكل امورها طبيعيه ..

لمن كانت بعمر تقريبآ ٨ شهور كنت اشغل لها بيبي شارك يوميا عشان تلهى شوي وافضى حق اخوها لانه سمالله عليه شيطان وايد عقب لمن انتبهت لها بعمر تقريبا سنه وشهر تقريبا وقفت عنها الايباد ...
تحسنت شوي استيعابها صار افضل وتواصلها البصري صار افضل اللعب معاها تستجيب تقريبآ جيد الى جيد جدا عقب ماوقفت الايباد
بنتي تقول فقط م م ما. ما ب ب با با طبعا ماتوجهه لنه فقط تنطقها وهم هم ترددها (لمن تاكل ) لانه اقول لها هم هم
استجابتها مثلا فتحي الباب وانا اكون(حاملتها عند الباب)تحاول تفتح الباب ولمن اقول لها سكري باب تحاول تسكره
لمن اللعب معاها اقول لها اعطيني الكوره تعطيني بنسبة ٥٠٪؜ وتحطهم في السله بنسبة ٥٠٪؜
تواصلها البصري جيد الى جيد جدا بس مقارنه اب اخوها توأمها اقل ..
تسوي فلاي كيس بس مو دايمآ قليل ...
تضحك وتلعب كطفل طبيعي مو متعلقه بالعبه معينه ولاترتب الالعاب بشكل معين ومنتظم ولا تخاف من الصوت العالي وقت اللعب ماتشاركني دايما وبعض الاحيان لمن اشاركها في اللعب ماتنتبه حقي وبعض الاحيان تتفاعل معي بس ابذل جهد عشان تتفاعل معي ...
تنام والى الله الحمد كويس وعادي انوع لها في الاكل وماتخاف من الرمل ولا البرجه ولا من الاسطح المختلفة
تحب الكل علاقتها مع الكل حلوه تحب جدها وجدتها وعماتها وعمامها وخالاتها والخدم ولمن اشغل لهت اغاني المفضله لها تستانس وتضحك وتتمايل وتناظرني فتره اطول ...
االلي خايفه منه انها ماتتكلم يعني ماما وبابا مو وايد تكررها وكل ماعلمها كلمات جديده ماتنطقها احس ان ماتركز وترفض
والشي الثاني ترفرف بشكل معين تهز يدها وقت اللي تكون مستانسه وزعلانه وساعات بدون سبب مو وايد تسويها بس تكررها يوميآ
لمن اناديها بأسمها ماتلتفت بعض الاحيان قليل جدا تلفت طبعا عقب ماوقفت الايباد يعني مادري اذا تعرف اسمها او اطنش بس تلتفت لمن اناديها بس وايد قليل قليل
ماتأشر لمن تبي ماي او تبي حليب بس حتى اخوها مايأشر (اخوها اللي ماعنده اعراض)
وتواصلها البصري مو مثل اخوها احس في فرق وكذلك استجابتها للمشاركه في اللعب مو مثل اخوها يعني تلعب بدون ماتناظرني وتلتهي في اللعبه حتى لو اناديها ماترد عكس اخوها لمن يلعب يناظرني ويحسسني انه معاي ويضحك ويتكلم كلام مو مفهوم بس معاي بس اهي دايما تحسسني اني مو موجوده وايد هل شي متعبني وموترني
وهل فتره كل العيادات مغلقه تبع الكشف والتوحد رحت حق عياده دكتوره مختصه في الاطفال في الخاص قبل الحظر قالت لي وايد صغيره وماعطتني حجي لانه مو تخصصها توحد ... سويت تحاليل سمع سليم ماكو ماي لا شي ...
ابوها يقول صغيره واعطيها مجال ولاتقارنين بينها وبين اخوها والرفرفه مو معناتها توحد علما ان اهو دكتور بس اهو مو تخصصه وقريت مقالات ان وايد يهال يعبرون بهالطريقه وحتى يظل لمن يكبرون بس المشكله وايد اشوف اعراض فيها ومادري اشنو اسوي بضبط و من اصدق وهاي اول بنت وولد عندي توأم ومادري من اصدق هل هاي اعراض فتره وتختفي ولا توحد ارجوكمًتجاوبوني الله يجازيكم خير بحق هذا الشهر الفضيل

😭😭

لايضيق صدرك توها صغيره حتى لوشاكه تقدرين تساعدينها لحالك بعد الله وبدون حتى اي تدخل من عيادات
بنتك ماحس توحد بس تقدرين تقولين فقدتك وتعودت على قل الاهتمام فماعاد يفرق وجودك وعدمه لاتشعلين لها ايباد ولا تلفزيون ابداً ودايم العبي معها حتى لو ماتعطيك وجه مره ولاتقااارنين باخوها تراهم يختلفون مررره في واحد ع قولتهم شنطة امه وواحد مايبي يعتمد عليها من هم صغار
بس انتي خليك معها دايم والعبي معها دايم حتى لو اكثر من اخوها خليها تفقدك خليها تتعلق فيك
وترا الرفرفه مو شرط توحد الاطفال عموما الصغار يرفرفون اذا مبسوطين من الحماس لانهم مايقدرون يعبرون
والله يطمن بالك وبالي وبال كل ام على ضناها