🌺تجمع رابطات عنق الرحم🌺4️⃣7️⃣🤰🏻🤱🏻👶🏻

اها الله يهديها هذا كله عشان دعايه لاحول ولاقوه الا بالله

يا عمري أنتي سألت عنك العافية يارب

الحمدلله طيبة الافرازات استمرت ثلاث ايام و الحين احس بثقل اسفل يارب انه طبيعي

اخباركم صبايا و ايش جديدكم ومتى ناوين تاخذو ابرة الرئة ..

هلا بك
على طاري ابرة الرئة رااااحت عن بالي في آخر موعد😓
الصراحة كان ودي آخذها على الأسبوع ٢٨
لكن أقرب موعد مع دكتورتي اظن راح أكون بالأسبوع ٣٠ بإذن الله وبشوف رايها إذا تعطيني اياها أو لا

وعلى طاري ابرة الرئة
يالله يا بنات حملي هذا مختلف كثير عن اللي قبله كل ما وصلت مرحلة تذكرت حملي بولدي كان قلق شديد وبكاء🥺
كنت انط للدكتور اطلبه ابرة الرئة وأترجاهم ويقولون لسى مبكر..
كان الاسبوع ٢٥ و٢٦ من أشد الأيام على نفسي لأنها تحمل ذكريات فقدي لحملي الأول .. اذكر كنت احاول اشترك في دورات وأشياء تشغلني شوي عن التفكير واستعادة الذكريات ..

كان كل أقاربي وأحبابي إذا شافوني ما يسألوني أنت بأي شهر زي اي حامل .. اتذكر نظرات قلقهم لما يسألوني تعديتي مرة حملك الأول؟ وأقول لسى 💔 خاصة الشهر السادس كان ثقيل ومتعب نفسيا .. والحمد لله تم بحملي بخير يارب لك الحمد

والحين أنا بحملي الثالث وبالاسبوع ٢٦ لكن يارب لك الحمد النفسية مختلفة تمااااما .. أتذكر نعمة ربي وأقول الحمد الله ❤️ والله يتمم لنا جميعا بكل خير 🌷

أقدر مشاعر القلق اللي تعيشونها ❤️❤️ خااصة لما تستعيدين ذكريات خسارة حملك .. مرحلة مؤلمة
بس صدقوني يا بنات كلها بتصير ذكرياااات ، الألم بيروح وبيبقى أجر الصبر بإذن الله ..

وتفاءلوا بالخير دايم..
إذا حسيتوا القلق مسيطر عليكم ادخلو يوتيوب او انستقرام فيه دورات عن بعد وفيه مقاطع تعليمية جميلة جدا
مثل التطريز والاعمال اليدوية الخفيفة ❤️❤️
وحسب هواياتكم والأشياء اللي تميلون لها 🌷 لكن الهدف إننا نستفيد من فترة حملنا ونستغلها بتطوير الذات وشيء يرجع لنا بالفايدة ونقلل من التوتر 💜 ☺️

كأن الله مرسلك تمسحي بلطفك كلامك على قلبي ..

أنا في نفس الاسبوع اللي فقدت فيه جنيني ولكن أملي بالله كبير و زاد بعد كلامك ..

الله يحفظ اولادك ويبارك لك فيهم و يرزقنا لذة احتضان اطفالنا سليمين معافين