🌺تجمع رابطات عنق الرحم🌺4️⃣7️⃣🤰🏻🤱🏻👶🏻

يعطيك العافيه ياقلبي

منجد التجمع نايم مافي تفاعل ابدا ياليت لو كل وحده ف اسبوعها تكتب لنا وش حست باعراض عشان نعرف الطبيعي فالموضوع بالذات التوام لاننا ماعندنا خبره نستفيد من بعض

فكره جداً حلوه لأن فعلاً نحتاج نعرف ونتطمن إن الوضع طبيعي ..

بالنسبة لي أي شي أحس فيه أو يصير أكتبه هنا

اسئله عشان نحرك التجمع وكمان نستفيد أتمنى تجاوبو عليها ❤️🙏🏻
1 / على أي جهه تنامي أكثر ؟؟
2 / كيف تعالجي ( الحموضة ) ( إرتجاع المريء ) ( الحرقان ) مو عارفه أيش تقولو لها ؟؟
3 / كم نسبة الحركة في البيت من 10 ؟ يعني مثلاً 4 من 10 أو اللي تتحرك كثير تكتب 6 من 10 وهكذا ؟؟
4 / مدى إلتزامك بشرب المويا ؟
5 / عند أهلك أو ببيتك ؟
6 / إذا عندك أطفال مين يهتم فيهم ( أكلهم - نظافتهم ) ؟
7 / تطبخي ؟؟ و إذا تطبخي أيش تحسي فيه بعد المجهود ؟
8 / لما تتحركي تحسي الأجنة صارو تحت ؟ و إذا صارو تحت كيف يرجع وضعهم طبيعي ؟
9 / نزلت لك إفرازات دمويه أثناء الحمل غير الدم بعد الربط ؟
10 / أهم سؤال ( مهم جددددداً ) ولادتك المبكرة السابقة كنتي مسويه ربط أو لا ؟ و إذا مسويه ربط أيش سبب الولادة المبكرة ؟

بجاوب أنا أول 😢



1 / على أي جهه تنامي أكثر ؟؟
اليسار

2 / كيف تعالجي ( الحموضة ) ( إرتجاع المريء ) ( الحرقان ) مو عارفه أيش تقولو لها ؟؟
آخد حبوب بيبتازول 30 جرام لما مررررره تتعبني يعني اصبر وفي الأخير آخذها

3 / كم نسبة الحركة في البيت من 10 ؟ يعني مثلاً 4 من 10 أو اللي تتحرك كثير تكتب 6 من 10 وهكذا ؟؟
أممممم تقريباً 4 من 10

4 / مدى إلتزامك بشرب المويا ؟
قليل جداً جداً جداً لأني مكممه و ما أتقبل المويا كثير ودا أكبر خطأ

5 / عند أهلك أو ببيتك ؟
عند أهلي

6 / إذا عندك أطفال مين يهتم فيهم ( أكلهم - نظافتهم ) ؟
ماعندي الله يرزقني

7 / تطبخي ؟؟ و إذا تطبخي أيش تحسي فيه بعد المجهود ؟
كنت قبل الخامس احيان ادخل المطبخ اسوي سندوتشات أو بيض ع السريع أو اندومي يعني شي جداً سريع و من الخامس تقريباً معد اسوي

8 / لما تتحركي تحسي الأجنة صارو تحت ؟ و إذا صارو تحت كيف يرجع وضعهم طبيعي ؟
على طول تصير معايا لو أوقف للوضوء ينزلو تحت ولازم بعدها أجلس فتره حق خمس دقايق و أنام على جهه حتى أحس إنهم أرتفعو

9 / نزلت لك إفرازات دمويه أثناء الحمل غير الدم بعد الربط ؟
نعم يوم موعد الدورة نزل نقط دم و يوم موعد الربط في الاسبوع الثاني عشر قبل الربط فجأة نزفت دم أحمر و مو إفرازات الله يكرمكم دم صريح وغزير شوي واستمر يوموبعدها بدأ يخف وسويت الربط و الأسبوع الماضي ( الاسبوع 21 ) نزل معايا إفرازات مطاطية لونها بني شكيت إنها سدادة الرحم الله يبعد الشر

10 / أهم سؤال ( مهم جددددداً ) ولادتك المبكرة السابقة كنتي مسويه ربط أو لا ؟ و إذا مسويه ربط أيش سبب الولادة المبكرة ؟
لا ما كنت مسوية ربط في الاسبوع 21 صارت الولادة صحيت من نومي وداومت و جاني ألم بالدوام وصلت المستشفى كيس الجنين صار بعنق الرحم ومعد يقدرو يتصرفووبعد ساعه أنفتح الكيس و بعد 6 ساعات طلع الجنين و المشيمة ما طلعت إلا بعملية تنظيف

اللهم عوضني اللهم عوضني اللهم عوضني

أستودعت الله أجنتي ومافي أرحامكم ..