اهلين خواتي ذي اول مشاركه لي واول موضوع لي وسبب اشتراكي اني استفدت من ذا المنتدى الراقي برقيكم وحبيت افيدكم زي ما استفدت منكم بابدا لكم من الاول بس ابي منكم تعذروني بعض الشي لاني مازلت تعبانه
اول شي انا من الرياض ام لخمسه اطفال لا ولدات قيصري وزني ٧٧ وطولي ١٦٠ جسمي متناسق بس مشكلتي بطني بارزه وكاني حامل بالشهر الخامس
صار لي سنه افكر بالعمليه قريت وقريت وبحثت واستشرت العديد من الدكاتره بالرياض
وبالاخير استقريت ع دكتور رائع قليل بحقه
اخر شي بقولكم مين
صار لي اليوم بالضبط عشره ايام
ادعولي وبتكون ذي صفحه لي ولكم بحول الله وقوته
انتظروني
شاركي في النقاش
سجلي الدخول لإضافة تعليق.
التعليقات
31- أهلًا و سهلًا
منورة المنتدى
والحمد لله عالسلامة
شكرًا على طرح تجربتك
ويعطيكِ العافية - الله يسلمك ياعسل وباذن الواحد الاحد بنزل تجربتي كامله وانا تحت امركم باي استفسار
- بكمل معاكم اخترت الدكتور ورحت للعياده واخذ معلومات وحدد اليوم ودفعت المبلغ كامل خمسين الف ريال وربي مانقصت ريال جلست اجمعها سنه كامله من يوم حطيت الموضوع براسي واخذوا التحاليل ودكتور البنج وكل شي
جا يوم السبت ٢٣ رمضان الساعه سبع توجهت للمركز ومعاي اولدي مرافق واخذوا لي تحليل واستعديت للعمليه كنت بقمه السعاده اني خلاص برمي كرشتي عندهم واطلع طبعا ماقلت لكم انا شفط وشد بطن وشفط ظهر وخواصر وحقن خفسات
جت الساعه ١١ لبسوني ونزلوني وتوكلت ع رب العالمين
وجا دكتور البنج وعطان البنج وماصحيت الا الساعه ٩ بالليل بغرفه الافاقه كنت مو مصدقه الوقت صرت اسال ليش طولت وش صار لا اجابه 😔
طلعت غرفتي لقيتهم منيميني ع بطني عطون مضاد ومسكن
من وصلت غرفتي بدات الالم وبديت استفرغ وغثيان بقيت بالمستشفى يومين وطلعت بالدرنقه
ورجعت بيتي تركت كرشتي عندهم بس احمل الكثير من الالم
اكمل بعدين اعذروني والله ادخل علشانكم 😘 - ننتظرك
- الحمدلله على سلامتك اهم شي
والله ينولك مرادك وتحصلي على جسم رشيق
مواضيع مشابهة
تابعي تجارب أخرى من هذا القسم.